[游记]东京箱根自由行.一年前的游记

東京箱根自由行(Day 1)...一年前的遊記

Lisamarie | 6th Sep 2005, 22:45 PM | 一般 | (716 Reads)

東京箱根自由行(Day 1)

6/9/2004

昨天剛完成了日本語的考試, 終於結束了密集式的課程. 今天懷著輕鬆的心情往日本旅行. 目的地是東京及箱根.

這次是我第二次往日本旅遊, 同上一次去北海道一樣都是一個人在途上......

大清早6:00a.m. 便出發往機場去, 7:15a.m. 到達. 在UA的櫃位Check In 時幸運地被抽中作詳細行李檢查. (由於這班機以美國為終點站, 所以保安特別嚴格.) 在不遠處檢查的保安哥哥可能見我揹住個大背囊要pack番好都有D麻煩, 所以只是伸手入去個袋摷摷便算了.

Check In完, 在大家樂食埋個早餐, 便開開心心上機去(香港 - 成田空港 UA890 9:15 - 14:45).

飛機準時起機, 2:45p.m. 到達成田空港. 由於取行李及過關需時, 趕不到原定乘搭3:13p.m.的Narita Express, 唯有搭下一班啦. (成田空港 - 新宿 Narita Express 4:20p.m. - 5:45p.m.)

車程比想像中"耐", 有D站站停feel, 5:45p.m.才到達新宿駅.

一出新宿駅, 嘩! 嚇了一跳!(定係大驚小怪呢?)車站聚集了"好多""壞人", 男的個個都身穿黑色老西和白恤衫, 女的好多都著到騎騎呢呢, 還有一些大大舊的黑人, ...... 但心諗, 我心口有個勇字嘛, 無有怕, 但都係望清楚個地圖先至行.

行咗15分鐘 6:00p.m.到達東橫Inn, 已經身水身汗!

Settle down 後, 即刻出去附近行吓. 由於時間不早了, 只係行吓東口附近的0101, My City, 大藥房, 去百果園食蜜瓜, 跟住求其走入一間食店食了客蟹玉子Set Dinner, 好味道!

之後, 諗住行去歌舞技町一番街, 但係那裡真的很雜, 都係學旅遊書同網友話齋, 一個女仔夜嘛嘛不要去呢D地方.

返酒店途中亦都係障礙重重, 有好多夜店的職員在街上拉客(夜總會/Karaoke/鴨店?