[游记]东京之行二决战裏原宿篇

引用檢舉東京之行 二 決戰裏原宿篇

網誌分類：遊。 |

網誌日期：2007-07-18 03:13

第二日，一早爬起身，就當然係趕住去朝聖，鐘意去裏原，

除咗有我最愛既headporter，同ape之外，

就係裡面可以有好多影相既題材。

好似呢架車，其實冇乜特別，好多時都會見到，但係佢偏偏就擺得特別有型﹗

將Rody當做寵物嚟看門口，真係厲害。

由於拎住一袋二袋，所以根本就冇手影相，影得都好求其﹗

狂攻完一輪之後，終於覺得肚餓，於是就去咗路口一間天台餐廳醫肚，

呢個飯表面上好吸引，因為係我影得靚，哈哈，

但事實上佢味道都唔差。

我發覺咗此行我地都食咗好多餐煙肉意粉，呢個都算係最難食既一個，

唯一可以留住我，就係餐廳裡面好多甫士咭拎﹗哈哈，賊仔又出動喇﹗

死行爛行，行咗去南青山，再行返去原宿，最後旁晚時分再去咗新宿，

食史上最貴又最好食既豬扒飯，

由於已經餓到想死，所以大家都急不及待將芝麻磨好，溝好醬料，等主角出場。

等咗10分鐘，半肥瘦既炸豬扒終於出場喇，而家見到都仲留緊口水呀﹗

雖然呢間豬扒飯響香港都有分店，

而食神蘇絲黃又話佢呢間係香港數一數二既炸豬扒飯，

但本人就覺得香港分店，同日本總壇既味道仲差好遠，

日本方面除咗豬扒炸得鬆化之外，最吸引就係佢個飯，

事關飯裡面加咗薏米，勁有咬口，

而家港只係比碗白飯你，完全冇誠意呀﹗

不過今次太疲既關係，食咗兩碗就收咗手喇﹗

......待續