[游记]新宿

9月20日

--

九月頭軒帶我去東京旅行，因為軒已經係第五次去日本(去咁多次做乜? 同邊個去?)，我都去過東京一次，所以今次都冇乜事前準備，只係買番呢本up date左既旅遊書去到日本用。呢本書真係唔錯，尤其係交通方面講解得好清晰，就算係未去過東京既初哥都一定識得跟住玩(我之前就係咁)，我屋企已有三本唔同年份啦!!
出發當日，雖然一朝早就要爬起身去機場，但去到酒點已經係下晝5點幾喇。我地住o係勁多香港人既新宿Vintage酒店，一來夠平，二來新宿咁熱鬧，想玩幾夜都得啦。不過歌舞伎町始終係紅燈區，有好多夜店(鴨店特多)，亦經常o係街推銷遊客睇脫衣舞show，如果一個單身女仔，仲可能遇上AV星探添(遊客應該唔會)，不過我見佢地都好有禮貌，所以都好安全。
因為一早起身唔夠瞓，撘飛機又好攰，我地決定第一個行程就係---瞓陣先!!(去玩定係去瞓覺架??)