[游记]京阪神之旅京都下午

日期: 12-Oct-2007 (FRI) [DAY 6 (part 2)] - 下午

活動範圍: 清水寺，花見小路

天氣: 幾好天，都有藍天白雲

攝影工具:

1. Canon EOS 300D w/ EF17-40 F4L & 430EX 閃燈

2. Panasonic DMC-FX55

接上文，話說搭了接近一小時的車程到達四大宮站，再轉另一架巴士前往五站，車程真的好冗長，又悶又急，到達的時候已是下午3時多了；想匆忙點行去清水寺，但經五和產寧兩旁的小店吸引之後，真係無辦法唔駐足參觀。

途中都幾多人，行了半個多小時，終於到達清水寺，嘩，真大真宏偉。

正想離開之際，在正門遇見兩個小可愛，好似公仔咁得意，更有些遊客逗她們，跟她們拍照呢，不過，又係我地的中國同胞，想跟她們拍照，但太急進，嚇得其中一個小可愛想站起步向爸爸處，但那個女人竟用手按著她，有無攪錯，很有趣地，這個小可愛的爸爸面上仍帶笑容地抱起她安撫了一陣，又放她跟那個惡女人拍照，真大方有禮。不過，那個惡女真的映衰我們中國民族。

天色開始昏暗，唔去二城和金閣寺啦，無辦法啦，一日真係唔夠時間遊覽京都，惟有行去一澤信三郎店睇一下點解佢地賣的帆布袋咁巴閉，哈，真的幾靚，好簡樸，但內袋就好少，而且價錢都幾貴，同買一個同 size 的 Porter 袋差唔多價錢；老婆買了一個側揹袋，都幾型；我都想買一個貌似相機袋的帆布袋，不過要大約 HKD 1400，真係唔捨得咁貴，所以擱置了。而對面鋪是大佬的一澤帆布店就明顯比細佬信三郎少很多人，入去睇過，兩間的款式差不多，但信三郎店的袋好似潮D咁啦。聽聞，信三郎的帆布袋在日本比較受歡迎，而且耐用些，因為大部分一澤沿用的物料供應商照舊提供給細佬做袋嘛。

天真係黑齊啦，我地行左去花見小路，睇下有咩特別，嘩，有好多人，他們都係想一睹藝妓的真面目啦，不過好多藝妓都坐的士來避開人群，就算行路的，也有人護住，兼且她們可能唔想應酬，所以大部分都對觀者非常冷漠。

五...

產寧.... 個和尚好卡通呀...好似睇緊漫畫咁

產寧.... 人山人海!!!

到了清水寺入口啦!!!

清水寺呀... 世界遺產之一! 背光嘛，無辦法啦，係咁上下啦。

藝妓呀!!!

得意雙妹，個樣好卡通，有好多人圍住影佢地... 哈，走光添。

一澤帆布呀... 不過我地無幫襯這一間，但幫襯了細佬一澤信三郎，因為款色靚D

花見小路呀... 有D手震添。

嘩，人山人海!!

全部腳印不留腳印 留下腳印: