[游记]京都之行part1

3月17日

part 1

一早起身已經係8點鐘.. 好多年都無試過咁早起身~ 哈哈

9點正出門口... 我終於感受到地下迷宮ge 滋咪~ 哈哈 日本ge 地下鐵, 就算你拎住地圖都未必睇得明~ 結果我真係搭左去另一條線.. 去左另一個地方.. 咁最後只好返番去reset過呢個地下鐵遊戲喇~ 哈哈

去到天王寺駅JR~, 上到去我今次醒喇.. 搭左班快車~ 唔使4個字就到大阪JR, 因為已經11點GE 關係... 我就衝去搭去京都GE 快車喇~ 去到京都已經11點9個字到~ 咁我見時間咁鬼充裕... 就決定行去清水寺喇... 原來真係好鬼遠架... 搭車就10幾分鐘就到, 行GE 話... 2個鐘.... 救命... 腳仔都軟埋 = = 不過其實行去都有D得著GE... 因為有兩個地方經過1. 東本願寺 (我去餵鴿呀!! 好多鴿仔飛左上我隻手度) 2. 祗園 (藝妓回憶錄個度) 不過無見到傳說中GE藝妓BOR~ 仲經過埋八坂神社, 不過都無入到去... 只係經過姐~ 行左好耐.. 再加上我識GE有限日文... 終於到達清水寺喇!! 感動...

到左清水寺一定要影返張相~~~ 影左好多張.. 咁橋俾我見到一個香港家庭... 我咁好人~ 梗係主動幫佢地影相喇!!

跟住行左去本寺個度~ 巡例要用泉水洗下雙手GE~ 臨入寺之前... 無買入場劵.. = =~ 後面俾錢喇唔該...300YEN 多謝~~~~ 之後幫人買平安符.. 隔離有個地方求籤喎... 結果... 抽到凶... 睇黎真係要小心一下喇... = =~ (不過我乜都無諗咁求...) 之後影左好多幅相之後已經3點... 咁我就離開呢個人氣咁盛GE 地方喇(原來3月中開始清水寺開到9點鐘)

之後我見仲有D 時間... 返左去京都駅之後我就坐地下鐵去我另一個好想去GE 地方-本能寺 (中意玩戰國GAME GE 人都應該知呢度係咩地方) 原來呢度係個俾人安放靈位GE地方黎~ 真係唔講唔知~ 而且真係好少野睇呢~ 逗留左多20分鐘之後我就決定行返去京都駅, 坐返車返大阪食晚飯喇 (其實我係清水寺買左樣野俾我個朋友~ 好特别GE野.. 唔知佢會唔會要呢)

因為D野都有咁上下重.. 同埋太TRIED.. 所以我返番酒店度休息一陣.. 再去道頓堀食野~ 原來都好多香港人去呢~ 間唔中都會見到下香港人~ 行左去幾個地方影相, 有機會POST 上黎先

跟住就去左藥房幫家姐買唇彩~ 不過都買唔齊~ 聽個SALES 講話好似已經SOLD OUT... 幾間都係咁~ 可能已經唔出喇, 買完野就去定D手信舖度望下~ 睇下有咩岩買俾人GE~ 都有幾個係target　黎ge, 臨走之前個日先去買喇~ 不過因為日頭行得好多路GE 關係... 好攰... 無乜心機再行~ 而且又一個人哩~ 你話我唔後悔係呃人GE~ 因為我不知幾想有"佢"陪我去日本.. 奈何佢唔肯我都無用喇 之後求其去左一間舖頭度食野就算喇... 太攰喇~ 我睇黎聽日京都PART2 之後要取消或者延期喇... 改做大阪城同埋買COFFEE 俾我家姐先喇

至於金閣寺同銀閣寺.... 真係一個南一個北 = = 不過仲有3日時間.. 都應該OK 去到GE (不過就算唔去我都無乜損唔損失GE)

睇下聽日GE大阪城之旅有咩收鑊先~ @@~ (本能寺-織田信長), (大阪城-豐臣秀吉) P.S. 我以前好中意戰國故事~ 不過長大左~ 都係睇下感受下算喇

一個人在京阪.. 真係好掛住佢... 但係... 佢一定唔會FEEL 到... 算喇...

好掛住... 屋企張床!

23:22 | | | 0 | |