[游记]京阪神之旅姬路城

日期: 8-Oct-2007 (MON) [DAY 2]

活動範圍: 姬路城

天氣: 天色初陰後明朗

攝影工具:

1. Canon EOS 300D w/ EF17-40 F4L & 430EX 閃燈

2. Panasonic DMC-FX55

一朝醒來，天色真的不太好，好陰，好似想落大雨咁...

算了，真係唔想更改行程而影響往後的計劃，照原定計劃去姬路城。

今天第一日使用關西 Thru Pass，除左JR唔用得之外，及價錢唔平之外，這張卡真係好用到不得了，見閘過閘，好似大爺咁，不過用之前要計一計當日之行程，睇下能唔能夠 Cover 和超越才最化算。

住梅田有一個大好處，就是其地方位處中央點，去關西任何地方，如京都、大阪、神戶、姬路等都可於梅田大站內乘坐合適的電車或地鐵均可到達。

搭左成一個多小時，終於到達山陽姬路站啦。

有D網站提議可免費借單車去遊歷這個地方，但到後發覺和輕井澤的休閑感覺相差太遠了，而且又不能騎單車進城，因此沒有借單車，選用步行遊覽；經過姬路商店街，好靜，無咩野睇... 條路好長。可能今日係體育節，有好多團體連同一班細路排列一行，呼籲途人捐錢，他們又叫喊，又90度鞠躬，好有耐力和恆心。

終於見到個城啦... 好大好靚... 好白添！

進入城堡，要換拖鞋，戰戰競競地向上行，好高，真係好高，D梯級都好斜，要考考耐力和腳力。用木搭成的城堡，好宏偉，保存得好完整，有關其歷史，就一定要省略，因為我唔記得啦。

行完姬路城，再行一條好長o既路去參觀好古園(即當時城主的後園)，日本人真有一手，所有事物都保存得好靚... 如果紅葉季節去姬路城和好古園，咁就一定靚到暈o左。

o係姬路的高田馬場食o左好好味烏冬和買了手信之後，當然繼續善用張 Thru Pass 啦，我地搭o左去山陽垂水站，再轉免費接駁巴士往 Poto Bazar Outlet，哩個 Outlet 規模都幾大，好有歐陸色彩，難怪好多人步行去掃貨... 當然，去到 Outlet ，就一定要買日本製的 Edwin 褲啦... 哈哈...

星期一應該是日本的體育節，點解會咁冷清呢?

到o左啦... 山陽姬路站....

好白呀... 好宏偉的大城呀... 真係保存得好正...

全座城都係用木砌，鬼斧神功... 行上去o個下都好費氣力呀..

姬路城的規劃...勁!!

點解會有隻懶洋洋的貓咪呢?叫下佢，佢望你幾眼又唔騷你...

嘩，有一小束紅葉呀... 這裡是好古園...

高田馬場呀... D烏冬幾正，又有好多手信買

推薦收藏導入論壇等級(0)編輯管理查看(2)評論(0) 評分(0/0)

TAG:

查看全部評論