[游记]冲出香港.飞到冲绳第一天（上集） Paulcの写真日记o(39.

22/12...今朝一早天未光就準備出門去機場喇！因為要7:00到機場等關係，我兩個懶虫因為想多一粒鐘關係，所以一早就叫架7折的士屋企樓下等喇！

好7:00正到達機場，辦妥機票後就走去醫醫個肚先，呢個早餐實在好豐富呀！完全係食唔晒呀！

本唸住臨上機前影低一張上飛機靚靚相啦！點知個好串空中小姐就大聲同導遊講：「唔該你叫你團友唔好係度影相呀！」我聽到就立刻回佢一句：「有病呀…上飛機都唔比影，如果唔比影你應該一早棟起個牌寫住不可拍照啦！」

見到張登機證就知道坐唔到窗口坐，已經唔係好高興，誰不知一入到機倉先知到我同我個朋友仲要分開坐，都唔知個導遊點安排架！坐一陣有個空姐走埋哩，講解點樣打開個逃生門…我完全聽唔入耳呀！

超難食飛機餐呀！（我只係食個麵包）

一落機就發現沖繩入境處，利用中、英、日、韓文字指示旅客去向，而且超多人識講國語添！下面呢架就係第一日旅遊車喇！我同我個朋友兩人佔兩行呀！（為準備放手信嘛）

去到沖繩第一個觀光點係美軍機地，我當時只係覺得好熱，好想買短袖衫換呀！（早兩星期已經每日上網睇沖繩天氣，預測話陰天同埋好涼…點知氣溫每日都有成24-25度，仲等我帶晒長袖衫添！）

好靚琉璃窗呀！

連扭蛋都係限定版呀！

第二個觀光點係東南植物樂園，足足行粒幾鐘先行得半個樂園，行完呢個樂園，當然要買返地道T-啦！

見唔見到我呀！

呢度風景都唔錯架！

成個沖繩見得最多大紅花呀！

買唔到真三味線，影相當買啦！（因為真三味線好貴喔）

地道沖繩BB公仔手信...

hello貓同米老鼠都有沖繩版手信架！

沖繩最出名苦瓜公仔喔！（好想買試苦瓜汁喔）

影一陣個店員走話唔比影相喎！算啦...都影咁多喇！

好靚煙灰缸喔！

連lighter都係沖繩吉祥物獅子喔！

p.s因為相太多，所以第一天其他相要放係（下集）