[游记]05北海道东京游记第九回

日期：9/7/2005 晴/ 雨

行程：札榥大學--新千歲機場--東京池袋

今日就要離開舒服寧靜北海道，重返繁榮鬧市東京喇！好唔捨得，朝早一早check out 後，

先放行李響大堂托存，近近地去一去北海道大學行一行，然後先去新千歲機場坐飛機去

東京羽田機場！

其實北海道大學，咪同中大差唔多！！！

參觀完人家的大學之後，取回行李坐 JR 去新千歲機場喇！

之前睇過旅遊書，同聽過朋友講，新千歲機場大到無朋友，行兩個鐘絕對唔夠！

我信喇！真係大，好大！我地check 完 in ，就係打算去個度食個 lunch ！

湯麵是也！

又係食拉麵共和國出品！好味的！不過無影相！

之後就去行下街，食雪糕就梗係指定動作，但唔知點解又無影相！

淨係影埋d無聊相！奇怪！

機場咩都有得買，之前買漏手信唔緊要，黎到補飛都得！

我老婆淨係試食都試唔曬！係咁比我摧佢走！

我地就係坐呢架內陸機去東京喇！ AIR DO ，未聽過既，安唔安全o架！

唔係坐 ANA 咩！好鬼驚！

好耐未試過要咁樣行上飛機了！

不過都好安全o既！

好快，個幾鐘就落到去羽田機場喇！

我地揀坐巴士落去池袋東橫 Inn，因為唔想迫 JR ，怕煩嘛！又上又落！

不過其實坐巴士差唔多！！有小小塞車！！落車後都好辛苦呀！

去到東京時，首先就係落雨啦！又凍喎！唔知點解，7月都仲好涼！

然後喇，我地響池袋太陽城太子酒店落車，由於之前未去過池袋東橫 Inn，左搵右搵

在所難免！最慘係，拖住個大筐，好難行，又重喎！最後，響池袋左兜右兜，又要落埋JR站

再上某個出口先搵到間酒店....................已經筋疲力盡了！

東橫Inn 大堂供住客免費使用的電腦！

梗係有用啦！check 下 mail ！然後就去池袋行街喇！

巴賽個時都已經好紅啦！有成個角位放波衫！

個晚我記得唔係好餓！

食碗拉麵就返酒店訓覺喇！！ Day 7