|
DAY 1
4/Feb/2006
大雪、好大雪
今日基本上乜都無做過
入正題之前先講下今次16人點樣出發先
其實係可以大約分開為三批：
第一批：在4/feb便已經自行出發到日本
第二批：乘坐4/feb凌晨3:00JAL直航包機到札幌的
第三批：乘坐4/feb早上一般JAL航班到成田再轉機到札幌的
我係屬於第三批，理論上應該係最遲到達的一批，但因為一些不能預測的事情，所以.....容後再述
今朝坐十一點機，所以八點先施施然坐E11由銅鑼灣去機場
去到機場先去買手信比日本人再去check in，完全唔駛排隊人影都無隻
check完in就過關，行左陣免稅店就上機，早餐都無食因為無胃口
今次一早都知呢十一點呢班係用747-300舊機
所以都無乜期望，唉，不過連PTV都無真係有d悶......
而且無胃口連個飯都無乜點食過
全程都係訓同埋睇書
而家JAL機上面仲要無飛機模型賣
不過我幫佢地做左份問卷有支筆都好過無
同埋.....d香港空姐都幾得喎！
好似咁耐以來無試過由34L跑道降落(至少清醒的未試過)
一般都會在九十九里濱上升轉個180先land
今次就直接由海descend再land
感覺幾特別
landing去左近T1的泊街位，要坐巴士仲要過橋先去到T2
T2一如既往：無人！
過關兩分鐘就搞掂，不過等行李就差唔多要成四個字
出左關，第一件事梗係去內陸counter check-in
一去到就出現「不能預測的事情」：班札幌內陸機因為新千歲機場關閉而取消！
不過羽田仍然有航班上札幌，counter個阿蟬o係我地將機票度寫左d唔知乜就叫我地過主，仲要我地自己比錢去羽田，佢話因為天氣關係唔需要賠償喎
我都無心機同佢繼續討論，有機上就算啦！
拿拿聲去counter買飛，咁就無X左6,000yen！
等左15分鐘就有車，成田都好凍下喎～～
上車團員田繼續訓，我就當然睇下風景，個零鐘就去到羽田
羽田個T2好靚呀～不過我今次坐JAL係o係T1
到步後又再check in，原本阿蟬幫我mark左八點半的JL1041
排到去原來7:30班機仲有位，咁梗係即上啦
不過有一句好重要「will be return to haneda due to snow」
希望唔會有呢件事發生啦
counter個姐姐仔係新手，搞左好耐仲要問隔離個senior先搞定
上機前買左個包，去到登機counter人山人海仲未上得機
咁就去放低幾兩先啦
跟住就上得機喇
相對之前班747-300，呢班777可以話係天堂，至少有PTV睇下嘛
講開呢個PTV真係好正，最鐘意佢個movie trainer台，睇左好多即將於日本上畫的電影，正！
不過國內線就梗係無野食啦！
飛左一陣就descend，先o係青森上台轉個圈偷位再直飛新千歲
機場無close！雪唔係好大！land！終於到達北海道喇！
落機又係要等行李，出左關發現巴士因大雪而取消，咁咪坐JR啦！
又係因為大雪，原本半個鐘車，行下停下要成個幾鐘先到
到札幌車站就行去坐地鐵去豐水薄野
o係月台竟然！撞見應該今朝9點就到左札幌，乘坐直航機的一行六人！
原來佢地班直航機飛唔到去新千歲而被迫在成田滯留
要等到新千歲開番先可以再飛上去
佢地成十二個鐘就o係成田候機室內渡過......X_X.....超無奈
咁我地一行八人就一齊去酒店
酒店(Green Hotel 1)就係o係地鐵上面好方便
去到酒店原來總共有11個人到左札幌
但係Terry一行五人竟然仲未到
理論上佢地應該坐同我一樣同一班機，不過我行o西成架機都唔見佢地就知有問題
不過無計，佢地又無漫遊搵唔到佢地
所以都係出去食飯把啦
因為團員一號身體不適，我就先去Lawson買外賣
買完返酒店，竟然！見到Terry佢地o係LOBBY！
原來佢地坐早左一班，但去到新千歲見到無巴士又無坐火車，等都有巴士先上但係又勁耐先搞到早到但遲來
終於人齊！出發到兩個街口的魚御殿居酒屋宵夜，正！
佢款980yen十一點刺身果然唔錯！
食左好似千五yen，每人！
食完就返酒店！原本第二朝打算去旭山睇動物
不過勁累大家都決定唔去，不過好好精力的Terry五人同Irene就照去，勁呀！
間房無乜特別，係一般商務酒店格局，但location真係幾好！
是日完。
Maybe
|
