[游记]05北海道东京游记第十回

日期：10/7/2007 晴

行程：池袋---橫濱---池袋

今日行程就係去橫濱喇！識我既人都知我去日本最鍾意去Outlet shopping ！

所以今次去北海道東京9日，梗係都要搵番一日半日去outlet 掃貨啦！

今次揀o左橫濱Bayside outlet ，因為99年去過，近海，好舒服！今次要再去！

其實去東京玩既自由行，大多數都會去距離東京不遠的橫濱作一日遊．但係呢，

橫濱市內的景點頗多，亦都幾分散，轉兩三次車去多幾個景點都咪話唔貴，

好在，我地有jr橫濱乘車一日劵！

響JR站綠色窗口有售，我地響池袋出發就 1220 yen ，新宿就1060 yen ！

包來回程去到橫濱，而響橫濱市內既根岸線(橫濱～新杉田)普通列車就可以任搭喇！

去橫濱Bayside outlet ，就要轉車的！

先坐JR去到新杉田站 之後就要轉乘金沢seaside line(另外要買票的) ，就會到達呢度喇！

Bayside Marina Factory Outlet

食飯前食雪糕熱下身先！我都唔記得呢個trip 食o左幾多杯雪糕了！

旦包飯、炸雞飯連沙律！份量夠亦美味！

lunch 時巧遇容Joey ！ 不過應該係 A 貨黎的！

食完飯，繼續shopping ！

呢度有New Balance shop！入手了白色576！價錢超值！勁開心！

lego 店內must buy items ：黑武士、白兵匙扣各入手數件！

其實橫濱真係有好多好玩景點，八景島啦、中華街啦、o加o厘博物館啦！

紅磚公園啦！講都講唔曬！不過我全部無去！淨係行商場！！！！

響Bayside Outlet 走既時候大約3點幾，血拼完銀包傷痕累累，係時間比佢休息下，

留番聽日去原宿再黎過！

於是，我地轉車去MM21 個邊 look look 究竟有幾咁未來法！

坐番 JR 去到櫻木町站落車，出站後就見到指示牌，之後穿過幾座商業大廈，就會見到呢度喇！

MM 21 ，未來港口區，橫濱市重點商貿區域！商場林立！仲有個小型遊樂場！

行下商場睇下野先啦！有名店，有年青人喜愛品牌！其實好好行！夠集中嘛！

排幾個字隊買既雪糕，第幾杯呀？

有免費雜技人玩雜耍表演！

又d 幾未來科幻既藝術品！過山車路軌咁既！

呢度，可以話又係大到無朋友，商場一個接一個，間間都大到成個會展新翼咁！

點行得曬先！！

不過呢do岩年青人既口味既 Shop 就不得不逛！

行到 支力 ，坐響摩天輪下飲下野，吹下海風，個感覺一流！

World sports plaza 響東京都算仲捱得住，幾大間，響大阪個邊真係好似唔多掂咁！

行到 7 、8 點， d 鋪都就收工，肚餓，於是找個地方晚飯！

最後揀o左呢間叫 和 幸 既連鎖店食炸豬扒！

好食，又係好似上回大阪個間咁，白飯、沙律任添加的！

之後就回程去影下相了！

9點幾先坐番車返去池袋東橫 Inn ，今晚係 stay 響日本 last 一晚，其實好唔捨得，

個時都未知幾時會再去日本嘛！梗係依依不捨啦！

好鍾意橫濱，感覺上無東京區個邊新宿、涉谷咁迫咁多人！

又有野行有野睇有野食有野買！很不錯呢！

是晚宵夜有至愛的卡樂B 薯片！ 加埋可樂就一流喇！

聽日要返香港喇！要執行李喇！

又唔知幾時先再黎東京了！

Day 8 完！

.