[游记]北海道游记(二)

September 07

北海道遊記(二)

第二日

早上去左白痴戀人工場，我覺似一個小型Theme Park，講真句唔係好多野睇，而且一團人入去，條路都jam死左，叫做去過又睇過。

旁邊有一個舊玩具收藏館，有好多童年回憶玩具，呢個反而用最多時間睇，懷舊下。

跟手車左去小樽，係一條古運河，我覺得似一條唔臭的城門河，有一d著古時服裝拉人力車人做生意，佢地係有牌年青人，有男，有女，有d似天星碼頭d呀伯，不過年青力壯係條街度拉兩個人行一個圈都幾係野。

小樽附近有好多玻璃製品出售，一個酒瓶加兩隻小杯要J$4,000 - J$5,000，都幾貴。不過佢地唔係只做外地人生意，都唔少本地日本人會買來做結婚禮品。

下午去左一個漁市場，叫呢個做漁市場不如叫佢做食店，d蟹價錢貴過外邊三成，而且只可以用麵豉煮，好彩早一日食過，呢次只叫左少少鮮帶子加一隻即開海膽，味道一流。

食完飯都係係小樽自由活動，買左一支早一日飲過的清酒加少少手信，都流連了兩個多少時，如果想食蟹，呢度有店可以炭燒，價錢比個團帶去間平，不過只可以係門口食。

小樽完畢後去左洞爺湖，晚餐係酒店自助餐，無乜野好食，飽就算。晚上有一個小型煙花，好彩我間房係可以見到個湖，可以係窗口見到，可能香港人真係見好多煙花，咁小型唔會想睇，睇左一陣已經想訓。

(ps: 有朋友想