[游记]谭生的日游记

文章分類

2007 小譚東京遊 [5]
2007 大鼻舊舊 北海道 春季尋花行 [5]
2006 小譚關東笑中有累之旅 [8]
2006 大鼻舊舊五日北海道走快 [6]
2006 [製作中] 大鼻舊舊 四國行 [7]
2006 Oherbie 的信州東北之旅 [8]
2006 barcelona 的賞櫻睇 J league 之旅 [1]
2005 小譚的中部北陸古風之旅 [8]
2004 東北. 青. 森. 之旅 [8]
2004 大鼻舊舊 北海道京都夏季花間行 [16]
2003 小譚東京北海道豪華遊 [15]
2002 大鼻舊舊北海道京都紅葉行 [12]
2001 大鼻舊舊 北陸近畿日本初行 [8]

網站連結

遊記網站
- 大雄的日本世界
- 日本遊ぶ
- 小頻的遊記
- K&W 自遊自在
- Ron Ho 的日本【紀行文】
- 艾美初の北海道行2005
- Dan Wong 的遊記
- btfans 的日本遊記
- Darkside 的遊記 album
- nicthe - Memories of Trips
- Blue Moon - Around the World
- 萊遊日本
- Candy 環遊世界之旅
- 3D亞當
- 小妹私房網
- Nike and Kukuri in TravellerEyes
- James Wong in TravellerEyes
- Pricilla in TravellerEyes
- Cynthia in TravellerEyes

新聞交換

鳴謝

Version:

andreas01 v1.3

層雲峽 - 陰作者 : 小譚

今日晨早要趕火車去旭川再坐車 . 別過琪蓮及 Patrick 之後又再自己上路 , 在旭川火車站內有個Information counter, 問明左點樣去坐巴士去層雲峽之後 , 由於時間仲好早 , o係站周圍 d 商店街行下.

層雲峽巴士 係 道北巴士 運行 , 在火車站對出的三號巴士站坐就可以 . 架巴士都坐滿人 , 車程大概兩小時 , 1900 yen 都同坐日本巴士一樣 , 上車時拎張飛仔 , 落車時俾錢 . 由於巴士要站站停 , 所以坐得好厭厭悶悶 .

( 如果唔想坐長途巴士 , 其實可以 坐 JR 去上川站, 走出去站外唔駛等好耐就可以轉同一架巴士 , 30 分鐘 770 yen )

巴士一到層雲峽 , 景致完全唔同哂 , 一大個山的高山綠樹盡收眼底 , 美不勝收 . 溫泉街的酒店同平房都非常西式 , 雖然有點兒感覺係做出黎的 , 但俾人的印象好似一 d alpine resort 如瑞士或Banff , 而且溫泉街周圍都因為夏天而放左好多花 , 好靚 . 找到我們落腳的地方 朝陽亭, 雖然o係山坡上 , 其實都不過十分鐘路程, 算係可以 , 當然住o係溫泉街就最好啦, 不過都無謂強求 .

放低行李就要張羅食的 . 行均溫泉街都無乜特別野食 , 行入一間特別多人的旭川拉麵店 , 我食左一大個拉麵 , 女友就食左個滑旦吉列豬扒 . 碗拉麵好 q 大碗 , 又熱 , 好味 . d 豬扒好林 , 都唔明 d 人點整豬扒o既….

好 ! 準備坐 吊車 上黑岳 ! 見到吊車站上的鋼纜好似 lead us to nowhere 咁 , 其實都有 d 遲疑好唔好上去 . 不過見到好多公公婆婆都全副武裝咁黎登山 , 咁我地既然來到 , 就上啦 . 吊車好貴 , 7分鐘一程要收1650 yen 來回 . 穿越一層又一層的霧 , 到達五合目. 嘩 , 一片霧海 . 站內有雨衣借用 , 都就順手拎左一件穿上 . 山上乜都睇唔到 , 咁又繼續向前行下 , 就見到個去 7 合目的吊車 , 其實係俾人滑雪坐的那種吊車 . 咁上唔上好呢 ? 呢程就抵坐啦 , 600 yen 來回 , 坐一程要成 15 分鐘 ! 咁一場黎到, 咪上埋去睇下囉 ….

上到 7 合目 … 嘩 … 凍到 … 又落雨 … 我地無裝備 , 因此只好打道回府 . 如果要上山的話 , 在亭內簽個名就可以上去 .

落山 … 嘩 … 呢程真係痛苦 , 又凍 , 架吊車又慢 , d 雨又迎面打埋黎 , 呢十五分鐘真係好鬼難捱 …. 急急腳走入吊車站 defrost 一陣先無咁凍咋 …
落番山腳 , 天氣好似開朗左好多 . 唉 , 早知而家至上山啦… 算啦 , 下次先再上山囉 . 接住就要去睇銀河流星瀑布. Mook 話最好踩單車遊 , 見過英瑛之行後 , 心裡都怕唔通又係老點 ? 睇怕用腳行穩陣 ; 不過可以話俾你聽 , 我地做左大笨旦 , 因為踩單車真係好正 , 我地就無啦啦大汗疊細汗咁行左九個字 , 完全頂唔順 !! 迫得我地去到流星瀑布前租單車的分店租番架單車 … (得一千零一間租單車的 , 1000 yen 一架 , 任玩 , 邊間舖還車都可以 )

咁一路行呀行呀 , 沿路景色非常優美 , 山上的怪石 , 千奇百怪 , 而且都可叫作鬼斧神工 , 尤其係天城岩真係蔚為奇觀 (當然 , 世間上的奇觀多不勝數 , 但如此近距離欣賞又似係第一次 ) , 反而兩條瀑布就比較普通 , 而且因為太多遊人 , 都無時間去欣賞.

去到天城岩就要走番轉頭 , 因為話前面有落石 , 路都封左 . 但居然真係有個人坐o係個更亭度唔俾人過咖喎 .

還左單車 , 番上酒店等開飯 . 呢間酒店係 through mytrip.net 度 book, 自己都係第一次用呢 d 網上 booking service, 而且係佢仲唯一一間六月 book 時都仲有房 . 我要左個入房食晚飯的 plan , 10000 yen 一位 (都有食 buffet 的 plan, 9000 一位 , 當然我梗係房食啦) , 房間好大 . 唯一不滿的是講明 7:30 食 , 可能由於太多旅行團入住 , d 嬸嬸做到踢哂腳 , 8 點先捧餐入房 . 不過一睇到個餐 , 我又開懷番啦 . 你睇幾多野食 ! 係咁 15 分鐘之內阿嬸嬸入左黎三次 , 每次都加左 d 野入黎 , 共有十幾碟野 , 呢餐真係好豐富好好味 .

食完 , 換番件衫去浸溫泉 . 不過個溫泉好似無乜硫黃味 , 唔知有無咖呢 ? 而且我找不到個露天風呂 , 我只係知好多人 , 因此都打左節扣 , 不過總體上呢個價錢算不俗了.

食完沖完 , 乖乖地訓個靚覺 , 聽朝 9 點坐免費的酒店巴士番札幌 .(係呀 , 免費咖 , 所以其實好抵住咖 )

Links