[游记]05/06北陆东海游记

1445 搭番車落山... 仲咁早冇理由番出巴士站... 於是係番城山館附近既站落車... 而家距離1715仲有兩個半鐘... D景點又行晒... 唔怪得案內所個歐巴桑咁問我啦... 嗯... 一於入去白川鄉之湯浸肉啦~ :D

白川鄉之湯係溫泉旅館來既... 本來我book左係呢度訓一晚... 不過後來又改變主意出番高山訓所以cancel左... 入到大堂, 呢度裝修幾新幾靚, 有D土產賣, 不過D職員就好cool... 買左張飛入浴700円... 入到去打開locker先發覺冇毛巾... 出番去問... 原來又要買飛仔... 好! 入到去... 冇咩人... 得一個女仔係度沖涼... 之後仲走埋... 於是我一個人霸左個大浴池 ^^ 浸左15分鐘倒... 出去個展望露天風呂浸下先~ 依... 點解出面有人係度鏟雪既??? 嗯... 不過佢應該過唔到來既... 都係呢埋D... 浸左一陣又走番入去過冷河~ 爽呀~

1545 浸完仲好早... 入去食堂座下飲柸橙汁~ 食個溫泉蛋先~ 正呀~ >o<

浸完肉好眼訓... 好想訓番陣... 點解呢度冇訓教室???

1615 都座左好耐... 走人...

1630 出番巴士站... 仲有時間... 入古太神行左一陣... 買多左兩包糖...

1700 差唔多啦... 企定定等車先... ^^ 呢個時侯見到有人拉住個o夾, 心諗... 其實拉o夾都得Y... 依?!?! 我袋行李呢??? 原來仲係locker!!! 仲企係度等車!!! 痴左!!!

1715 等等等... 架車仲未來... 個天已經黑晒... 古太神都close左... 除左案內所仲有少少燈光... 四圍黑媽媽... 不過好彩都有十幾個人係度等...

1730 架車終於來... 不過原來架車係去金澤既... 個司機叫我等多陣... 高山果架就快來...

原來大部分人都係番金澤既... 得番我同另一個男人... 周圍真係好黑... 好驚... 冇理由會遲咁耐架嘛...

1745 終於來啦~ U_U 原來係女司機仲好後生... 唔怪得咁遲...

有好多人落車... 有D鬼仔鬼妹... 黑媽媽都唔知佢地點搵民宿... 有個鬼妹得一個人, 問我呢度係唔係"唔知咩前", 我都唔知佢講咩, 點左佢入去案內所...

個司機又走左入案內所唔知搞咩... 發車前又同我地講左一輪野... 我唔知佢講乜... 我懷疑佢係話路面結冰要開慢D所以咁遲...

1800 終於發車... 佢真係開得慢... 好肚餓... 好彩仲有個禽晚買既飯團... :P

2000 差唔多到高山... 路上有D氣溫顯示牌... 下? -13度???!!! 一路上地面都結左冰... 其實好危險... 進入高山市後架車更加好似係石春路上行咁... 櫈下櫈下 (因為D冰凹凸不平)

2030 高山到着!

原來高山好細! 平時由車站行去所謂駅前既酒店可能都要行一兩個街口... 但由高山駅行過對面既Washington Hotel只係三,四十步以內既事... 而且個站都好細只得一層... 不過咁反而增添左D親切感...

一落巴士... 成地都係冰! 好難行... 係金澤地面有D洞洞噴水溶雪, 所以地面唔會結冰... 白川鄉D雪全部係新雪冇問題... 呢度真係好似溜冰場咁... 救命...

我住既係高山Best Western Hotel... 係高山駅過左對面馬路後面果條街就係... 好近... 間酒店幾靚... 不過比想像中細 (其實成個高山都比想像中細... 好似模型咁...)

2100 Check-in左之後落街搵食... 睇本旅遊書9點後咩都關晒... 所以都係諗住去車站果間便利店買野食... 經過Washington Hotel見到佢間餐廳開到930pm... 又有朴葉味噌牛食... 於是上左去

間餐廳裝修幾高級... 有一個鬼佬客... 我叫左個朴葉味噌牛定食... 不過係薄片牛肉好似肥牛咁... 唔係steak... 死! 冇帶相機!!! T_T 算啦... 聽日都會食朴葉味噌ステーキ! 等食時個鬼佬搭訕... 佢係唔知東歐邊忽來... 佢話呢度好難行因為地面結晒冰... 又話佢之後會落名古屋可能到時又見面... 好野! 有野食~ 佢見我掛住食野都埋單走人... 嗯~ 幾好食~ 我好鍾意食佢果D好似手指尾咁大既青椒~ 有時天婦羅都有好好食