[游记]奥日光森之hotel 可乐人生日记

由日光市去湯元温泉奥日光森之hotel

早上可座東武巴士在中禪寺湖下車,先遊覽華嚴瀑布,由於係落大雪季節,一落車巳經係零下6度,加上成條街都冇開,只淨 一兩 間店,遊客廖廖可數,唯有死頂睇埋華嚴瀑布,距離地面100m有lift搭,每位￥500。

需然好凍,但都係值得一看既,觀景台有3層,多數鴨仔响第一層睇完就走,其實最低層先係最接近瀑布既景觀,而且觀景臺有商品店,我買左對泠手襪都係￥300抵牙！

由於太大風雪,無法再行中禪寺湖,唯有折返回巴士站再入湯元温泉！大約45分鏟車程,由車站到森之hotel本來約壹分鐘的腳程,由於太大風雪,我們行了約5分鐘才到。

到門口已經有我個大名响度！原來成間酒店只有兩房人住！

奥日光森之hotel好處有以下：

1：係乳湯温泉,泉水奶白色,好重琉堭味

2：全店地板有暖管。

3：如果你剛好3點cheak in有甜品食,係紅豆沙湯丸,好甜

4：店内大堂有火爐,在火爐旁飲咖啡睇書,一樂也！

5：有家族風呂同露天温泉！

6：晚餐係shabu shabu或者鐵版燒,我地選鐵版燒,和牛,豬肉同雞肉相當好食,不過一人得兩舊。但都夠飽！！(要响網上一早預定！)

7：早上至中午有免費咖啡提供,幾好飲！

總結以￥8190壹位,為起只係伍佰零蚊,真係超值既選擇！有機會一定再來！需然酒店比較舊,建成巳26年,但都算清潔！

總結：以￥8000壹位連一早晚餐真係好超值,旁邊係滑雪場,酒店有滑雪用品供應！如果去開日光市,不妨座多程車入中禪寺再入湯元温泉,日光至中禪寺約個半鐘,由中禪寺湖至湯元温泉約九個字！