[游记]老sell游记:丧食横滨

老sell遊記

三十出頭, 大唔透. 家在香港仔, 心繫南區. 無所事事, 嗜好繁多. 飲飲食食, 快樂到極. 好奇心大唔代表創意高, 心思思又又唔代表主意多. 鍾意同人傾偈, 但又怕有自己講而無人地講.

二月 06, 2007

喪食橫濱

連續開咗兩日會,朝九晚八,要長期集中精神去吹(係要一定傾到有結論果隻),其實都幾疲勞轟炸.

真係讀書時都無咁有規律.不過做野要勤力,搵食就要賣力啦. 結果大部份時間都係開會吹水同飲飲食食.

仲有就係同幾位Recept姐姐(應該係妹妹)學吓日文咁囉.

今日有同事提出不如今晚自由活動. 於是一大班人入夜放工後浩浩蕩蕩咁走咗去橫濱JR站附近四圍蒲同搵食.

肥龍鍾意食日本菜及日食, 結果今晚好對唔住自己身體(因為要跑半馬拉松).行咗一陣就已經食咗份日式咖哩吉列豬排飯. 跟住隔咗唔夠一個鐘,又去食咗碗拉麵. 好暖,好好味呀~~~!

星期四會落東京...
___________________________

一個人出差就係咁無聊...好在有得上網咋.

上次講開飲牛奶,今日已經進入第二盒.

另外,原來喺日本上扑,個扑個header變埋日文喎.

張貼者 南區肥龍 位於 星期二, 二月 06, 2007

0 意見:

張貼意見

較新的文章較舊的文章首頁

訂閱 張貼意見 (Atom)

停一停值得讀