[游记]11於金泽兼六园,立山黑部 BellaMadonna的自闭日记

日期: 3/11/2007
地點: 金澤兼六園, 北陸立山黑部阿爾卑斯
幸運地. 當日天氣好好!!立山黑部, 我來了~

依篇日記會比較長.因為我影左好多相阿~

一早起身, (無錯, 又係6點) 食完個buffet breakfast, 就出發去金澤兼六園

"兼六園是三百年前由前田家所建，是江戶時代的池泉迴遊式庭園代表作，占地約10萬平方公尺，內有清澈水流及古典的日本庭園，園內百間崛、石川門都有古老櫻木，園內一景一物，一水一石都是佳作，並可欣賞日本庭園之美，所有的標準條件＝宏大、深邃、人力、蒼古、水泉、眺望等六種意境而命名。"

依度其中一個特色係, 公園裡面有好多古老櫻木, 而因為金澤冬天會落大雪, 日本人就係樹上面整個竹傘, 用黎阻擋大雪破壞老樹

留左個幾鐘, 要出發去立山黑部, 因為去立山黑部分幾個唔同景點, 而幾個唔同既景點都要坐纜車, 火車, 巴士, 每舍交通工具都set死野時間. 我地唔可以遲. (日本的交通預計時間係好準的)

我地就係要坐依個纜山上室堂了
臨行前, 飲杯好好味既鮮奶:) 佢話係阿爾卑斯牛乳..
心急阿~~
到左室堂, 就要即刻搭巴士上高原, 巴士上面一路播完電視, 介紹周圍既景, 四季既花 (我認為..夏天黎會靚好多, 我中意花花阿! 另外, 請注意! 巴士左邊既景係比右邊好!) 不枉坐左一個鐘既巴士上黎! 係高原餐廳食完 set lunch ( 炸豬扒好乾身~不過大家都係食個d ga la), 出去玩雪囉~
睇我幾開心, 最開心既係. 當日有太陽, 玩係上黎都唔太覺得凍~
雪山水, 雪味水
玩完, 就坐巴士(大約10分鐘), 再坐纜車去黑部平.
well. 依度suppose係有紅葉睇既..不過唔知係咪太遲黎既關係..得番d枯葉..sigh..
再之後又係坐巴士, 到黑部湖--黑部水霸
依度仲凍過頭先上雪山, 凍到對手都無知覺

到5點幾就走人, 拜拜囉~
是晚住係白馬綠都溫泉酒店, 外邊係十分之靚, 不過d房就普普通通. 特別在洋式同和式係晒一間房. 訓6個人都得..
食完buffet,浸完溫泉, 再跟手食埋宵夜馬屎uni同雞泡魚sasumi (淡某某既..). 睇埋bio hazard 2 就去訓了~~