[游记]柬埔寨之行

o係無心插柳既情況下, 我地今次一行四人去左個神秘既國度 - 柬埔寨!

揭開神秘既面紗 - 高綿吳哥

據悉, 柬埔寨(高棉) 係南亞國家中歷史最悠久既文族. o係吳哥窟既記載, 高棉過往長期受到滇國 (現今地理上既老撾)與及暹邏 (現今泰國)既入侵, 導致現今既版圖只剩最頂盛時期(吳哥時期)既三分一; 故此, 文化上, 現今既老撾, 泰國, 越南, 與及印尼都染有高棉文化既色彩

赤柬(Khmer Rough)革命影響深遠

與當地既居民傾談過, 每家每戶都唔會遺忘o係1975 年發生既三年零八個月二十一日, 當時既赤柬將人們分為"新人"與"舊人"; "新人"就係一班o係城市長大, 有知識水平之人, 亦係當時受害最深既一群, 縱使佢地勤努耕, 亦都冇餐溫飽, 仲要每日遭人屠殺...聽起來與我地既文革真係有過之而無不及

現今既柬埔寨

出發前仲擔心緊既治安, 衛生, 天氣與及食物等等等等既問題, 去過一次, 才發覺自己過慮啦!

治安:晚上八時許, 我們四人o係大街上逛走, 就算冇街燈, 亦沒有問題

衛生: 蚊患沒有想像中厲害; 蒼蠅亦不見得多

天氣: 縱使係雨季, 我地都見到藍天白雲呀!! 真好彩!

食物: 一個字, 正!! 就像食左 fusion 菜咁