| 票价搜索 > 旅游景点 > 游记 > [游记]越南系列9－－美奈 |
[游记]越南系列9－－美奈 |
| 2010-08-04ctrip.com |
| 问左大堂既靓女，美奈既日出，凌晨四点半就会开始，于是早早训上床。四点半。。。简直系破左我多年记录，几万年无试过甘早起床了~四点半未训就试过。。。唔系蒲，系失眠~ 手机响起，好舒服咁陷在床被入边既我，翻身望吓出边，一片漆黑~椰子都醒左，互道“凌晨好”，起床~稍微梳洗，披上大围巾带上DC，出门。走到海边，又是那令人心平静下来的浪声。突然想起多年前刚进公司，跟同事和她的朋友去汕尾红海湾露营，在帐篷里时睡时醒直到天明，当时还在夜里听到快艇靠岸既摩打声。个次系我第一次露营，真系一个好难忘的经历~~哎呀，又唔知讲左去边了~返黎。其实讲真，我一向睇日落多过睇日出，一方面当然因为我起唔到床，另一方面，其实夕阳都系好靓既，多次多次，我都卑个只咸蛋黄震撼到，而呢种震撼，因为突如其来，唔刻意，令我印象极其深刻。但既然我地黎到美奈，放自己一个咁舒服既假期，米当其中一个节目咯。大海并唔系漆黑一片，点点渔火系海同天既分界线度闪烁，系啊，渔船就快归来了。成个沙滩都系我地既--起码系我目所能及既地方。月亮依然高挂系空中，好似未有去休息既意思。拖左张台出黎，两个人坐系上边。其实真系有好多年无咁样一齐了，对上已经系我地读初中既时候，系我屋企，仲有嘉慧。我地从小学到依家，虽然地域隔得遥远，但有D野，特别系友谊，唔会因为距离而改变。影低等待中相互依偎既我地，有D美好无需太多言语。天空出现左鱼肚白，而沙滩边开始有人出现了，应该系早起赶海既当地人。而我地既“领地”亦都有位阿姨出现左。一杯茶、一支烟，她亦都坐系沙滩椅度静静咁望住个个微白既方向。睇她已经有一定既年纪了，她住既系海边既BANGALOW，可以见到她老公企起出边望左她一阵，然后返入去。我都希望以后有个人，可以陪我一齐周围去，同我分享旅程中既见闻同美景。今日既日出睇黎无法睇到了，因为日出既方向有好大片既云层，但有咩关系呢？咁样静静坐系海边既清晨，已经很好。我地返房补眠。待续。 |
| 转自:http://destguides.ctrip.com/destguides/journals/AllSingleJournals.aspx?Writing=1303416197阅读 |
游记文章由机器自动选取，来自其它网站，不代表票价网观点。 |
网友评论： |
| 共0篇回复 «上一页 下一页» |