[游记]豪七游记曼谷

零八年度豪七曼谷之旅 (Period: 8 Jan to 11 Jan)

Day 1 (8 Jan)

兩人興奮得滯... 完全訓唔著... 零晨 3:15 就起床預備出發...

4:25am 坐 N29 前往機場... 車程 dove 到媽媽都唔認得...

8:30am 起飛啦... 一到曼谷機場就打的直往 Courtyard by Marriott Bangkok 酒店, 揀呢間係因為超新呢... 07 年 11 月開張... 貪佢無鬼鬼... 哈哈...

放低行理... 二人先去 Central World Plaza 既 Food Hall 是但搵間叫 pizza pizza 食野.... 好味度呀!!!! 我俾 95 分呀... 好好味.... 真係好好味....

食完就走頭... 去左 Siam Square 既 Mango Tango 食野... 我唔敢吃芒果呀... 因為怕暗瘡又發丫麻... 只係飲左西瓜 swing~~

上完電, 6:00pm 我地去左 Cest bon 食法國菜... 我同小豪去到時因為太早.... 包場咁款... 超好 Feeeeeeeeeeeeeeel 呢!!! 我地每人 order 左 9 道菜既套餐.... 真係好享受.... 好好味.... 好令人回憶呀....!!!!!!

食完因為豪七二人對腳已經斷左, 所以趕忙回酒店做接駁手術~~~

Day 2 (9 Jan)

早餐係酒店既 MOMO Cafe 吃啦!! 水準係合格以上既... 諗住先去泳池 "目及" 下... 唔係卦??? 維修!!! 兩人傷心欲?邊行邊鬧的離開....

唯有行下大場 Emporium 啦... 好靚的一個場... 走上去佢既 Food Hall 食日式野... Service 好好呀... 有專人送到埋黎, "真係 Food Hall 價錢, 餐廳既服務".....威尼 Goooooooooood~

之後, 同老公去左做做做做做香昏按摩呀!!!! 好害羞呢...!!! 因為無衫著... 得條魚網底底... 不過真係超 C 服呀~~~ 最重要既係.... 皮膚都好左好多呢... 好滑咁呀~~~ 叉足電後.... 亦都因為按摩完血氣運行得太好... 又要食野勒.... 去左 Central World Plaza 既 Food Hall... 水準... 不合格.... 但環境係.... 美好的呢~~~~ 之後去左 Plantinum Fashion Mall, 嘩!!!! 簡直係發現新大陸咁呀.... 個人好震奮呀... 衫平精品價又底... 點頂??? 同老公買左好多 T-shirt 呀!!!! 之前我地先擔心今次會買唔到野.... 原來呢家先係一個序幕呀!!!

我就因為 M 前腰骨痛... 好快就失守... 唯有回酒店再作小息... 老公為我既腰骨推油, 好C 服, 又無事啦喎~

6:35pm 二人穿上戰衣, 再戰呢個 Suan-Lum Night Bazaar, 街邊檔好好味啊!!! 平又正... 我係曼谷最愛吃粉面... 咭咭.... 老公就愛吃豬牛雞肉...

食都咁上下, 行下夜市, 目不暇給, 又係掃 T-shirt 同埋手信既時候... 行到興起想尿尿啦... 點知洗手間以無水為理由唔俾人入... 嗚~~ 老公見狀, 就叫的士送我返酒店尿爆佢... 都係時候訓啦!!!

Day 3 (10 Jan)

吃過早餐... 去左 MBK 行, 食佢既豬手飯... 咭咭... 行行下, 又俾我見到 Relaxation Massage & SPA... 我地就入左去俾人 Dop... 嘩!!! 肩膀位俾佢"連" 到勁痛... 老公俾人 "支" 加拿大... 哈哈....

之後我地過返去 Siam Center 既 Swensens 食朱古力雪糕火煱... 幾好味, 但偏甜呢!!! 過返去 Siam Square 一間印度人開既 Meivados 甜品店, 店主好好人呀... 因為我地叫果客木瓜沙拉對我黎講真係太辣了... 他不時拎朱古力切粒小旦糕同雪糕俾我解辣.... Goooooooooooooooooooood~

突然發現... 我右手食指指甲又裂左了... 一定係按摩時被 Pak 斷的呢~~~ 嗚.... 嗚~~~~

之後去左 Siam Pargon 買包包留作消夜之用... 放番 d 戰利品上酒店, 我地再次去 Beer Garden@ Suan-Lum Night Bazzar...咁死多檔... 都唔知吃邊檔... 求其係一檔叫左客 "豬頸肉" 超爽口!!! 我當然要叫碗魚旦干粉吃下啦!!! 老公都有吃... 好好吃.... 再叫多客豬頸肉呢!!! 但最差勁既算係杯西瓜汁... 我諗佢既糖水有兩吋咁厚呀!!!

食飽係時候行夜市勒... 行到我隻積咁, 老公就好似有野上身咁... 擁有一對強而有力的腿... 可憐既條腰骨好似斷左咁呀陰功... 呢個時候老公見到一檔買藥膏布... 儀態一於少理即時貼上.... 感覺好似好好多..... 繼續行下去.... 女人就係咁... 唔死一日都係買野最重要!!!

夠皮啦... 也是時候叫的士返去訓咯~

Day 4 (11 Jan)

早餐@酒店, 認真咁行下 CWP, 再係 LEE Cafe 食個晏仔... 係一間靚靚雪糕店食杯雪糕... 係時候 check out 啦...

小豪同我都係心急人... 6:30pm 機, 但 2:30pm 已經到左機場... 吽左好耐先入得 "冊".... 又去左一間 Lemon Tree 食野... 見未洗晒 d 泰珠... 係機場仲買左 set Lancome 香水呢!!!

最好既係, 連香港既天氣都幫我地咁... 返到黎都係暖暖的...

係呢次旅程入面... 哈哈... 再一次證明我無嫁錯老公... 有你我就無野要擔心... 生命入面只有.... 好開心.... 謝謝你呀陳小豪!!!!