[游记]色狼住院日记

色狼住院日記 :第三天

2點:醒咗,仲以為係6點幾添,睇來佢一定係緊張過度啦之後醒下瞓下咁捱到咗6點
7點:吃咗幾片面包,飲咗隻優x乳,因為中午可能輪到佢做手術,所以佢係冇得食嘢,
11點:醫院開飯啦,佢係床上碌來碌去,都係叫緊一句:好肚餓啦(佢嘅記錄就係可以連叫6個鍾之後,去吃飯,可以講一句:我已經餓過龍,飽咗啦!)

13點:佢係度好急咁等緊被人叫去手術室同時佢仲係喺度叫緊:好肚餓啊!

14點:仲未到佢,不過睇佢個樣,已經知道佢好緊張,但係佢唔想被人知道,所以一直係度玩緊x妹俾佢嘅一付牌

15點:終於輪到佢啦,佢個心睇起來好亂,有d唔知點好,但係佢唔想俾人知,都係扮好鎮靜

15點半:到佢入去手術室啦,衹可以佢一個人入去,所以冇人知道入面發生乜事

16點半多少少:佢被人推咗出來,我哋都好開心,佢當時都係清醒,不過,睇佢個樣已經好殘,成身大汗,好似醫生唔記得落麻藥咁,仲有少少似失血過多個樣,我哋都好擔心!

16點半再多少少:佢已經被我哋推返上去病房,醫生話俾我哋聽,佢宜家身上有兩個傷口,一個係左肩,一個係右大腿幾側,因為呢個個傷口都係大動脈和靜脈所在,所以,佢要係未來12個小時都唔可以旭動身體,再加上佢之前出咗一身汗,今晚就係佢嘅苦難日

17點:苦難12小時正式開始,因為佢中午係冇食過嘢嘎!身上仲掛住兩臺監測嘅儀器,所以我哋都馬上係下面餐館買咗幾個飯上嚟食,佢媽媽都係堅持要喂咗佢先肯食

21點:有人留夜啦,佢爸爸媽媽都算放下心來,返屋企休息啦,佢爸爸媽媽都已經擔心咗成日

22點:已經三個小時啦,色狼係床上保持住一個姿勢未動過,我哋都好擔心佢可唔可以頂得住,因為佢平時一定會幾十分鍾左右就要換一個姿勢再加上佢自己本身又係一個好易出汗嘅人佢已經整濕咗兩套係嘅病人服啦

23點:色狼嘅骨頭應該已經出現硬直嘅現象啦但係佢未出過聲咁痛,但是佢成日都成頭大汗,色狼佢好似又餓又渴咁,但係佢又唔敢大啖咁飲水同食嘢,因為係身體唔可以動嘅情況下,係好難解決大小二便嘎,色狼佢又唔想俾太多麻煩照顧佢嘅人,佢衹有死頂

24點:係佢身上嘅兩臺機,有一臺終於可以撤走啦,意味住,苦難12小時已經過咗三分二啦但是色狼個樣好似比啱啱做完手術時仲要差