[游记]泰国游记梦幻乐园┌2┐+金三角+芭堤雅

玩完海盜船之後，我地join埋一對約50幾歲姓莫的夫婦一齊去玩，由於阿婷同莫太都唔玩機動遊戲，所以基本上得我同莫生係度玩，我地玩左一D都唔激的過山車、要自己控制上落的八爪魚......係我地邊行邊玩之下，已經行到去阿婷最想去玩的地方啦~不過，因為嗰度11點先開，所以我地去左買雨衣，而莫太就去買野食，整整吓已經夠鐘啦，我地總共玩左三次，點知三次都係我同阿婷濕得最厲害，阿婷仲要濕到好似人地瀨尿咁。

之後，我同莫生走左去玩衝天激流，重要企左係條天橋上面被衝落來D水淋^^阿婷話我地兩個係傻ga~~~莫生、莫太坐左係飄雪樂園附近等我地，而我同阿婷就入左去裡面體驗雪世界，我地玩雪滑梯（即係坐係水泡上面滑落去嗰隻！），我岩岩坐落去就比人踢左落去，仲要臨尾都被個泰仔(係工作人員黎ga~)撞埋來~不過我地已經笑到收唔到聲啦~出返來己經係12點，係時候去樂園個Canteen食晏(自助餐)，我剩係食左1碗魚旦米咋~

（呢張相係吊車上面影ga~~）

食完反後，我地上返車準備起程去一個應該叫金三角的地方騎大象，坐上去嗰陣感覺好恐怖，因為好驚隻象會走左去，成程阿婷都一直係我耳邊係咁嗌，而且周圍都好大陣動物味>_<".....嗰人仲問我地要唔要影相添!

騎完之後，就上返車開始去芭堤雅，坐到入夜先到酒店，係大堂食完din之後就返房放行李，進備去Mike血拼。係Mike有好多名牌子，