[游记]2007.04.05爱德华的宿雾白花游记DAY2

4/12/2007

2007.04.05 愛德華的宿霧白花遊記 DAY 2

大家樂食完宵夜後,便回到20號閘登機,今次個位真係比較差,我地坐12C,12D(因為呢架機係細機,所以係3+3坐位,即係ABC走廊DEF),唔知係唔係BUDGET AIRLINE,所以早左5分鐘起飛,即0045便向宿霧出發, 呢一程機真係訓唔到,因為個位坐得唔舒服,經過2個半鐘頭終於在MACTAN CEBU INTERNATIONAL AIRPORT 著陸(0320), 入境真係超慢,我地要4點先出到行李帶, 之後到外面用1:5.8既rate唱左hkd1000,因為仲有時間所以上去內陸機大堂坐到0445才出發去碼頭

雖然是凌晨時間,但我地一出去,便有幾個的士司機行過來,我問一問去碼頭幾多錢, HOW MUCH? THREE HUNDRED. 一聽完便轉身離開,之後不斷從後面傳來 TWO HUNDRED FIFTY, TWO HUNDRED, ONE HUNDRED FIFTY...... 我一路行到樓下的的士站,我叫個職員幫我搵一架用meter的的士,但一開始他叫我去租車,都係375peso, 但我當然說no,最後終於幫我找了一架用meter既的士,上到車後,個司機不斷話自己空車渣入去機場,油錢又貴,要收我200peso,但我話我來過這裡好多次都是大約100peso,最後到碼頭用左(122.5peso)

到左碼頭, 首先去SUPERCAT睇一睇,吓!今日全日FULL BOOKING......之後便去WEESAM EXPRESS睇一睇我問第一個窗口,佢話冇位,要9:30先有位......死LA依家先至係5:30AM......之後行去第二個窗口問一問,好彩原來可以買企位(300+50稅

pesox2),之後便在甲板上搵個位企睇吓日出......

開船冇耐,有一位船員叫我地落樓下坐,原來有一D原本攞黎放行李的位置比我地坐,真係多謝佢,如果唔係便要企兩粒鐘,大約8:15便到BOHOL,一出碼頭便有一大班司機向我地行過黎,因為今次我地冇做任何資料搜集,所以便跟一個司機走去上車(1日行程2500peso),上車第一站便先到JOLLIBEE買早餐(112peso),第2站便是搭個半鐘到達BOHOL的地標朱古力山(入場費10pesoX2),這裡有1357個小山丘,這裡的景色不錯,之後便到一個所謂景點就是睇一個樹林,D樹又高又直,影完相後,便到另一人為景點竹吊橋,這裡有一條竹做既吊橋,慢慢行大約1分鐘便行完,行到對面有一個賣手信的地方,主要是賣一D木製品為主,看完後便到今個行程的主要景點睇tarsier,tarsier是一隻好細小的馬騮,tarsier真係好纯,個樣好得意,之後和tarsier合照後(20peso),跟住便去食飯,食飯既地方是一隻船,自助餐式,食的主要是飽肚的(814peso三個人),之後去了一間教堂,之後再去到一個叫結義像.便返酒店。

返酒店放低行李便出去行下街，但bohol上只有一個bq　mall是比較大型既商場，於是便行了15分鐘便到入面有百貨公司同超級市場，但找換店個rate真係好唔掂（得5算）