[游记]马尔代夫游记

今次第一次去馬代遊呀, 一直都好想好想去呢個地方, 白色沙灘藍天碧海, 人間天堂不過唔係因為價錢太貴就係因為冇時間去, 結果今次真係可以如願以償呀, 但因為從未去過所以我就上網在討論區內找一些資料及一些去完之後的網友評論呢, 結果唔睇仲好過, 睇咗就真係幾晚都訓唔著呀, 聽佢地講到不知所謂呀, 貼錢買難受呀, 但因為我都已經比晒錢囉! 想取消都來唔切呢, 但係我其實真係又半信半疑佢地所講的說話, 就算係衰都冇理由咁衰掛, 結果我都係去完返來了, 係咪真係咁差呢, 就請先睇一睇相並且我會詳細講述今次的喜與悲的經歷呢!!!

今次我就係入住呢間酒店

呢個就係碼頭, 我地就係坐藍色個隻船入來的呀

酒店房都算唔錯啦, 而且仲有露台架!!

而由露台望出去就係沙灘呢

d野食都好好架, 唔信你自己睇下啦!

真係水清沙幼, 見到就真係立即想飛入水中

在浮潛時拍到過千條的TINA魚在身邊與你同游呀!

嘩!! 場面真係好壯觀呀!!

日落既景色真係好美喎!!

還有一個美女在黃昏中暢泳. 正呀!!

第一日下午六時起機出發去可倫玻要 8個小時才到呀, 而到的時候經已是當地時間晚上11時多呀, 並且要在早上7時才會再起程到馬里呀, 所以先要坐五至十分鐘的車到酒店. 當第二日早上到了馬里時成個人都down 晒呀, 落雨仲有行雷呀, 仲係大雨個種, 唔通馬爾代夫行程就係咁樣過咩! 而且我仲帶咗成50kg既潛水裝備過來潛水.

唔理咁多入到酒店先再算呀, 點知到咗酒店因為full　booking所以就要等成兩個多小時到食完午餐先攞到房呀, 點知天公就美呀, 攞完房之後就停雨同時又開始見到陽光伯伯出現呀, 第一時間就係換衫去玩水啦, 需然係停咗雨但就因為都幾凍下所以好多團友都去租件膠衣玩浮潛呀.

就在沙灘對開20至25米左右就比我同我老婆睇到有成千條tina魚呀, 仲係度打餅, 圍住我同我老婆係度游水呀, 不知幾好玩呀, 而且水唔係好深只係得3米水就到底, 我有潛水電腦有紀錄唔係吹水架, 而且仲影咗好多相返來, 當然立即通知其他團友一同睇啦!點知佢地游來游去都來唔到喎, 仲以為我吹水, 好彩有相做証!

最衰就係只帶咗相機冇帶攝錄機呀, 下次去一定要帶攝錄機先得呀, 真係不知幾精彩, 不知不覺就玩咗成兩粒鐘呀, 而有d團友就去咗釣魚, 有d就係度圍住個島行沙灘(我同我老婆都係咁)不過用十五分鐘就可以行晒成個島, 而我就同我老婆去咗潛水店度booking明天既潛水活動呀, 之後返上房度訓一會先.

因為午餐就係1230時而晚餐要晚上8時才有得食, 所以就中間有好多好多時間比你游水係沙灘浮潛呀, 仲可以坐係度晒太陽睇書做你自已鍾意做既野就可以呀, 而晚餐都係自助餐呀, 有好多野食架, 我最鐘意仲有燒羊肶, 又有布甸, 沙津, 煙tina魚!

呢度就係食野既餐廳呀, 晚上就係酒吧, 而且仲有LIVE BAND架!

在馬爾代夫既水底下有很多不同種類的海洋生物, 真係要去一試呀

呢隻蚌有成20吋咁大架!!

皇冠彈真係想捉咗佢返屋企呀!!

吸盤呀, 見到佢即係表示附近有大鯊魚出沒呀!!

唔好睇小佢呀, 足足有大肶咁粗架!!

又大又藍巨人蚌真係好吸引架!!

坐係露天餐廳對住個海一邊飲野一邊望住個太陽落山真寫意呀!!

日落呀, 仲有一個俄羅斯美少女在沙灘中暢泳, 真係樣靚身材好正架!!