[游记]06复活节浮罗交怡,吉隆坡之游记Day5

4月18日

06, Day 5

Day 5 (12/4/2006)

最後一日係吉隆坡, 今日既活動係搭車, 落車, 影相, 上車, 食飯; 又熱, 原來果日係36度, 熱屎人, 呢日大家都無乜心機, 早上雖然都係係5星級酒店食早餐, 環境亦好乾淨, 但係d野食, 唉…奄列唔惹味, 咖哩杰撻撻, 無汁, 無咖哩落肚, 無厘心機, 6:45機, 4點就到機場, 太多時間, 於是就行左陣街, 去左食麵, 興奮既時刻來臨了, 有咖哩麵食, 好正好正, 成個人醒神晒~ 上到機, 睇完一本張小嫻最新小說, 跟住, 有兩個鬼仔(Chapoco)&鬼妹(Chiarta)黎撩我同隔離個小妹妹玩, 佢地得4歲同6歲, 不過好鬼爛玩, 我教識左個鬼仔(4歲咋)用相機, 佢開心到屎, 玩到部機無電, 都仲話… “Let me try again! Let me try again!”, 我話比佢知部機sleeping, 佢係都要整醒部機, 不過後來都開唔著了, 真係無晒電!! 無野玩, 佢就走過黎 “中” 我背脊, 又向住我手臂頂頭槌 , 痛屎我!! 成團既團友都投以好奇既目光, 覺得我點解同佢兩個咁friend, 我都唔知點解, 不過事實係, 我一見到鬼就唔會放過練英文既機會!! 飛機飛到香港上空, 香江夜景實在太靚, 到而家你問我想住係邊, 我仍然係選擇香港~

9:04 | | 1 | | 0 |