[游记]槟城游记Day1

今日遲左起身, 成七點半先至醒, 極速洗臉同換衫落樓, 搭E22去機場, 唔敢等特快車, 見到車就上, 7點8上車, 用左成個半鐘, 9點2先到

Check-in左就同莉莉去CSL買電話漫遊卡, 嘩!!!由馬來西亞打番黎成$9一分鐘, Send message都要成$4一個

今日搭新加坡航空, 會先去新加坡再轉機去檳城, 10:30從香港起飛, 準時出發, 今日天色好好, 個天好藍

個飛機餐都算ok, 係個飯鹹左d, 但仲係有Haagen-Dazs雪糕, 嘩....好正呀, 比我之前搭華航嗰d正好多

喺飛機到睇左<大丈夫2>, 詹瑞文真係好攪笑

2點鐘都未夠就到新加坡, 比原定時間早左, 新加坡落好大雨呀

喺新加坡機場hea左一陣, 之後就等上機去檳城, 轉機過關嗰時, 比人全身搜云, 蝕抵哂

3點40分再由新加坡起飛出發去檳城, 又再食個tea, 係pizza黎架, 食到好滯, 今日齋坐同食, 我諗今次去完旅行實肥番晒

依程機唔夠一個機就會到檳城, 打左一陣機, 話咁快就到, 天色都唔差, 比想像中好

出左閘, 換左d錢, 有人舉起紙牌, 搵我地四個, 有專車接我地到酒店, 6點鐘到酒店, 今次我地係住Berjeya Hotel, 話係4星, 但係去到完全唔似囉

check-in攪左好耐, 新華都幾唔掂, 原來酒店只prepare左一間房, 好彩最後都攪掂, 但我地4個要分開兩層樓, 走上走落好唔方便

入到房, 個view又幾好, 睇到Georgetown成個景

問下酒店d人, 跟住我地就自己行去新關仔角食野, 沿途行, 都冇咩人行, 路又黑, 而且原來檳城係冇行人斑馬線架, 好難過馬路, 經過Gurney Plaza, 嗰到好似諾士佛臺, 但only飲coffee, 係全個州開得最夜嘅舖頭

新關仔角係大排檔黎架, 好多地道野食, 好似台灣

第一站食左串燒, 好抵食RM$0.5一串, 即係港紙$1一串, 有牛,羊同雞, D醬料好正, 甜甜地, 仲有表演睇tim, 我地喺依檔食左2次再加外賣, 4個人total食左36串, 都只係RM$18

第二站, 亞參叻沙, 炒粿條同炒飯, 同香港嗰d好唔同, 個叻沙好香香草味同spicy一d, 炒粿條d蝦好新鮮, 炒飯d飯略為軟左d, 可能因為d飯唔係隔夜飯

一碗叻沙RM$2.5(X4), 一碟炒飯或炒粿條都係RM$3一碟(X2), 幾抵食

依到D甘蔗水, 真材實料, 睇住佢新鮮搾, 冇加其他野, RM$1.5一杯(X4), 之後想外賣番酒店, 想用樽裝, 但係冇咁嘅服務, 個老細仲好驚訝, 跟住俾我見到佢地將D膠杯用手喉水洗完循環再用, 佢老婆仲即場洗一個膠樽俾我地, 睇唔到就話JE, 見到緊係唔用啦, 我地自己買2樽水, 飲完俾個樽佢裝RM$2(X2)

煎蠔RM$5一碟, 唔肥膩, 個醬又幾好, 少辣

跟住個清補魚翅湯RM$5一煲仔, 真係有翅嘅, 但係D味唔得, 好奇怪, 係清補涼湯底, 4個人都唔想食

之後掃甜品, 有莫莫查查RM$1.8, 煎蕊RM$1.8, 三色冰RM$1.8同龍眼豆花RM$1.2, 豆水RM$1

三色冰, 個様幾吸引, 有甜粟米同三隻唔知咩味嘅糖水, 但有D藥水味, 唔好食, 得個甜

龍眼豆花, 似大菜糕多過豆腐花, D味都OK

煎蕊, 又係唔知咩黎, 只係知道面頭綠色嗰D就係煎蕊, 有D念念地, 又有D紅腰豆同加左好似焦糖味嘅冰

最掂係莫莫查查, 最好食, 佢D冰係椰子汁做成嘅, 好香, 入