[游记]芝加哥之行

31/1/2008出發一家大細同6299去芝加哥探親, 一行頭尾14天, 我地哩次出門,為褔榮做足準備, 帶左大量厚衣服, 平安藥等等~~

出發啦~~香港時間12:50mid night 飛機, 已經深夜, 其實好眼訓, 但心情興奮, 仲未訓呀~~

到韓國轉機, 仲咁精神! 係飛機訓左一陣咋~

好凍呀... 到步後去唐人街食d野先~

褔榮成日同表哥表姐玩, 地點當然係褔榮個姑丈包包鋪, 我地日日都差不多去哩度打

褔榮最like食姑丈整既菠蘿包

終於等到星期日啦! 一家人食晚飯啦~~褔榮細舅公屋企,

星期一, 又無野做啦, 個個返晒工, 無人同我地出去行下, 只有陪下太婆啦, 點知佢話要睇vcd - 斬柴仔封王, 無人敢反對, 開黎睇啦~~ 一開.. 舊到爆既殘片, 仲要係任劍輝做主角... good! 睇落都ok, 唔係太悶啫, 我都無眼到訓!

第2日,都係頂唔住咁無聊既生活,一於出去downtown 湖邊行下先...

凍到喊呀~~~ downtown 比 china town 仲凍好多, 因為 downtown 近湖邊,所以好凍, 我地都流鼻水, 褔榮眼水,鼻水都有流呀~~

返到屋企, 要訓下先... 褔榮好搞野, 無時無刻都掛住girlfriend knit比佢條頸巾, 連訓覺都要拎住..真係好鬼sweet! 有一次, 我地去第2個州, 我地無帶佢條命"巾"(頸巾), 佢係咁嘈,係咁話要條頸巾.... 爭d要返轉頭拎, 真難搞!

年30晚...團年飯..... 本來我地想同太婆食架..... 當然同太婆舅公食開心好多啦, 又有表叔同褔榮玩~~~ 但親家奶奶一定要我地係到食~~~ 話係度住要係度食, 仲唔比我年30晚洗頭tim 呀~~~ 我真係采佢都傻, 我地興30晚洗晒d舊野, 等新既一年好開始架ma!!!! 我專登扎起d頭髮,等佢唔覺~

30晚既飯後desert...真係唔明..年30晚,要著新年衫???

年初一, 街上靜悄悄, 真係miss 香港, 起碼都有棵桃花睇下, 花瓣仔都無塊!! 等褔榮著件新年衫, 賀一賀下新年, 搞下dd 氣氛啦.

都好多唐人黎大班買年糕同發糕架!!

年初二,無野做, 又去搵太婆先, 今次我要追"義不容情"呀!!!都係睇殘片..哈哈...

lark 既朋友睇下邊個飾演關海山既秘書? 你地認唔認得出咩呢??

睇完電視, 去幫下舅公後花園剷雪啦~

兩仔爺幾落力!

哩一日零下20度, 加埋d風打埋黎,佢地話等於零下40度, 係窒內window都見到有冰呀~ 佢地叫我地唔好出街呀~...只好係屋企啦.

因為趁我地係度, 提早一齊幫太婆慶祝生日, 2圍人一齊食飯, 唔知點解, 好似好趕咁, 食完就走, 都無影到大合照, 只係我一個人係咁意,影左小合照咋.

最後一日, 要最後一擊, 再落downtown!

嘩,果日好凍, 褔榮又唔肯帶 手襪, 激死人啦~~ 我只好比個暖包佢揸住啦!好彩佢都肯.....

褔榮真係掂, 行行下,咁大雪都可以訓左~~zzzzzzzzzzz

出門口果時,好凍, 但後來落雪就無咁凍啦~~ 但溶雪真係好很凍~

當地人見到落雪就怕啦, 佢地覺得我地凍冰冰都同褔榮出街, 話我地勇! 唔通日日坐係屋企咩~~ 褔榮見到落雪好開心呀~~

最後果晚好開心呀.. 姑丈整左個thomas 蛋糕比褔榮, 真係感動呀!

真係好好味~~~yummy yummy!!

2月13號上機返香港啦, 2月14號,褔榮生日+情人節都係係飛機上過啦~..

係姑丈度拎左個cake 仔,同褔榮係機上唱 happy birthday to u~~

有香蕉當笨蕉~~

褔榮係飛機都算ok啦, 食同訓, 仲訓左3-4次.... 算係咁啦, 比個叻你啦!

轉機仲自己照顧自己, 但佢行得太慢啦!

一切都算順利啦, 好期待下次再同褔榮去旅行!