[游记]台中游记

離開"青青草原"我地就根據賴大哥既指示,沿住一條叫"步步高昇"既路行去"小瑞士花園",原本我地以為好快就到,點知路牌唔係好多,我地成日以為自己行錯路,係經過其中一個路標之後,我地發現有絛分岔口,一條係平路,一條係樓梯,當我地唔舍點揀既時候,發現原來有展板,上面有地圖(即係好似你地係郊野公園見到個d),一睇之下原來兩條路係一樣既,最終我地選擇左行樓梯落,因為行小斜路會好攰,去到樓梯口,發覺印有"1"同埋"4xx"字樣(4xx係因為我唔記得係幾多,不過fifi有影低,遲d話你地聽),即係話我地要落四百幾級樓梯,我地當然唔放過條樓梯,一路行一路影相,好彩天氣唔係太熱,仲有d風,我地都行得好舒服.

挑戰完四百幾級樓梯,諗住會到啦,點知仲未,我地要落一條斜路,再行一段山路先至到,呢段山路都幾易行,因為已經舖好晒木板,成條小路咁,卒之我地行左大概半個鐘先黎到

去到"小瑞士花園",講真丫真係有d失望,因為唔係好多花,原本之前一個禮拜都係落雨,所以d人襯長假期過後開始換花,所以我心目中既花海就冇喇,不過我地有理冇理,見到有花都衝埋去影一輪,連草地都唔放過

呢張相我已經放左係公司電腦做wallpaper喇

呢間屋係民宿黎架,雖然好似好靚,不過好細間囉

係"小瑞士花園"我地發現左一個好特別既景象,就係係四點幾已經好大霧,加上我地當時企係一個高位,望番落去個湖同草地,個情況就好似睇戲咁,有神仙出埸既時候地下會有一層煙,我地仲講笑咁話,煙機都唔駛用呀

離開"小瑞士花園"只係五點,我地約左賴大哥五點半黎接我地,於是我地去左對面馬路既薰衣草花園,其實好似一個小型商場咁啦,有好多舖頭賣手信,最特別既就係呢間全亞洲海拔最高既starbucks同埋7-11,我地都有不少收獲

返到豐田農場只係六點,我地六點半就食飯,d餸好正,個碟好似魚生咁既其實係素鮑片黎架,而d菜亦都非常新鮮,好好味呀......

食完飯,我地仲同2個亦都係由香港黎既住客傾計,我地一行五人第二日會一齊去"合歡出",我地仲互相參觀左對方既房間添,跟住我地繼續影相,到左八點鐘,我地再去食tea,有蜂蜜蛋糕,餅乾同花果荼呀,d花果荼係用壺上,仲要成日refill俾我地,食到好飽,返上去屋仔出面坐杄楸睇星星,好好feel,好正呀

新增回應