[游记]台中游记

今日一早就要起身喇,因為我地八點半就要早發去合歡山遊覽,所以七點就要食早餐,知道山上天氣會更加湅,所以我地都準備充足,連熱血青年fifi都加厚件褸,根據佢既人肉溫度計話俾我地知,最湅既時候大概有十一,二度

天氣雖然好湅,但我地都睇左好多靚景

呢個係"跳舞精靈",聽賴大哥講呢枝樹枝已經有幾十年歷史架喇

真正的藍天白雲 山上面都有好多花可以影架 我地十一點半就回程喇,途中仲去左一個露天小食攤檔食野暖身,我食左一枝好好食既粟米呀,又甜又多汁,而家諗起都流口水呀

返到豐田農場,我地就拎左之前一日係埔里買既小食出黎當係lunch食住先,一邊係到等我地係網上面約既司機黎接我地,佢好準時呀,我地約十二點,佢早十五分鐘就到左喇,我地即刻可始我地既旅程

第一站係番去埔里酒廠血併兼參觀,由於我地早一日已經黎睇過下,大家都有心水物品,所以唔駛十五分鐘我地已經買到一袋二袋,嚇到司機小弟(他只有24歲,係個學生,做司機搵學費)O咀,放好D戰利品我地就去參觀

呢條係酒窖隧道

跟住我地去左牛耳藝術渡假村,睇油桐花 因為我地參加左賞螢火蟲團,所以唔夠四點就離開埔里,經過一個鐘車程去到集集鎮,到民宿放低行李,然後再一個鐘車程去到鹿谷,參加賞螢活動,由於鹿谷係比較少香港人會去,所以同行既當地人都對我地好好奇

我地三個之前都未睇過螢火蟲,我除左覺得好靚之外,仲覺得好暈,原來螢火蟲唔係一路都有光,係會閃下閃下,當你望埋去,好多點係到閃下閃下真係有D暈架

賞螢活動結束之後,我地就返集集搵野食,成日除左早餐之外其餘都係食小食同零食, 好彩我地買左餅同薯片,如果唔係賁餓暈喇

新增回應