[游记]台北游记.(傻瓜田园.)

台北遊記(part 2 )...

傻仔 | 14th Feb 2007 | 台北遊記 | (33 Reads)

day 2 的行程包括珍珠養殖場,故宮博物館,九份,台北 101 ,西門町 ...

day 2 ...9/2

昨晚一覺訓到大天光,酒店張床好好訓,一早起身食完早餐,就出發今日的行程啦...第一站係珍珠養殖場,開頭以為係漁場,原來係鋪頭黎,聽個經理講解珍珠末的功用,之後就緊係問我地買唔買啦...貴到傻,又無咩用,緊係唔買啦...

之後我地係故宮博物館,個導遊真係識得好多野,講解得好仔細,每件古熏的歷史背景,背後意義佢都講得好清楚,真係學到唔少野...

跟住我地食國廚料理,食台灣菜,都幾好味.食完飯我地就上九份啦,九份真係好靚,山上好大霧,覺得更加靚,更加配合它[悲情城市]的稱號,這裡好多有特色野食&睇,好多傳統野玩,好多可以望山景的茶座,令我想起陳綺貞的[九份的咖啡店],咁 0岩其中一間店正播放着陳綺貞的歌,正呀!!! ...在這裡我買左好多手信返香港,有麻糬,果凍,鉄蛋,太陽餅 ...我仲買左個陶笛俾自己,um ...我一定會學識吹的...

跟住我們去左台北101 ,共 101 層,508 米高,高到呀...但我地無上到頂,只係下面商場行下,我對這種級商場無咩興趣,反而俾我搵到個音槳噴泉,影左好多相喎...

之後我地去西門町,係後生仔必去地,好多野係,好多野買,我行左陣誠品,又買左杯青蛙下蛋,好好味...之後我地去食麻辣火鍋,辣到傻呀!!!!!!!!!!!!!!食完我地返酒店訓覺,今日行程完結啦,好累呀!!!又大覺訓啦...