[游记](旅行)台北之行,旅行遭遇

(旅行)台北之行,旅行遭遇

今天接到電話,再一次成唔到團了,有時真係自由行好過,但無奈真係會幾貴/.\

但東瀛遊就轉左我地團,都ok啦,而且比之前個團仲要貴左300元一位架!

而行程又有變了,要攪攪自由行個一日!

第一天 香港~台北~九份~靈芝茶藝館~鴻禧山莊渡假村~美人湯溫泉
第二天 六福村主題樂園~大溪浪漫花海~袖珍博物館~士林夜市
第三天(自由行)台北動物園~台北海洋館~淡水~漁人碼頭看日落~龍山寺~西門町
第四天 忠烈祠~珍珠養殖中心~故宮博物館~皮獶展示館~中正機場~香港

自由行個日真係由最南去到最北-.-都有d無奈,呵呵!希望時間方面可以掌握得好好啦!

好啦真正係等運到啦~22-9-06出發,不過今次冇咩期待之心,可能台灣係自己心目中係二線,

未係自己一線想去個d,冇咩特別期待,所以時間過得好似好快,快過等北海道那次呢!

而且又遇上倒扁!睇黎我見到倒扁的要叫一句(呀扁下台),而見到挺扁的要叫(阿扁加油)

而一次見到兩幫人時,相信要叫(我要返酒店早抖) -O-

次次出國自己都係有D野,唔通貴人出門真係招風雨!

03韓國 遇上美國射導彈去北韓,發射個段時間我正身在回程飛機之上-.-"

04泰國 全國熱爆禽流感,個時正身在高峰之地泰國,好在冇雞食者-.-""

06北海道 北韓試射導彈去日本海,即北海道對出的海,個時又係身在北海道-.-"""

06台灣今次又遇上倒扁,會發生咩特別野又係未知-.-""""

都唔知攪咩次次都係咁既,相信我真係貴人,唔係招風雨咁簡單,係招世界異變!