[游记]台北之行

February 17

好似好耐都冇來吹過水啦, 其實近期都好多野搞下,
剛剛從台灣,香港,廣州返來,完成我的大食旅程.
雖然本身都肥咗幾k,結果食得太狂,臨尾搞肚,幾k冇曬,
打回原型.

講到台北,首先要感謝小瞇一家同小魚的熱情招待,
系百忙之中都抽時間來陪我, 帶我去咗好多地方,同食咗好多好食的野
一直以來,都以為去台灣要麻煩的簽證,所以都冇話霖住去,
原來我地去台灣系唔洗visa, 睇來以後都會多去.

第一晚去到台灣,先系小瞇家住下,
放低行李,沖返個涼,小瞇就約咗小魚帶我去到處行下.
其實台灣除咗明星,同佢地個顛顛地的扁扁總統,
台北小食系世界聞名的, 所以第一站,佢地就帶我去士林夜市,
非常出名的一個台北夜生活的去處.

一落地鐵就來返串臭豆腐!
真繫好多年都冇食過,台灣做法又有地吾同,簡直就系一大美味!

後來第二日就去咗一個離西門町好近的hotel仔,
應該講系地冇星級的廉價酒店.
真繫好平,圍埋先$30澳紙一晚! 其實地房間同地星級酒店
冇麼唔同,都好乾淨, 同好大下.三晚落來住的都舒服.
又近西門町,所以西門町這個幾有台北代表性的地方,成了我
每晚必逛的地方.

台北的購物也是一流,可以講系小精品天堂,
價廉物美,物品得意又創新,真繫好有吸引力.其實送人做手信系唔錯,
但系我懶,費事摞(後來真系超多行李),再加上貪心,
好多野自己都想要, 所以……….hehe,希望各位朋友見涼

其實台灣的城市建設就冇麼吸引,地樓好似返咗廣州感,
好多又殘又舊,當然新城區就好好多,不過同大陸真系冇麼兩樣.
但系台灣社會始終是不同的,
台灣人都好有禮貌,入商場,一排人同你鞠躬,講歡迎光臨!
就連7仔,入去出來地店員都會同你打招呼,
而且服務太多好好,好聲好氣感同你講野, 街邊買飯團的也不例外.
講咗感耐,

做地推薦,

台灣小食推薦:
臭豆腐,蠔仔煎,蔥抓餠,maji,珍珠奶茶(和各款的奶茶和飲品),飯糰入邊有油條,搾菜,煎蛋,可辣可唔辣), 甜不辣, 台灣香腸…………..哇!實在太多太多好野食,數都數唔曬,食也食不完!!!!!所以我一定要再去台灣,再戰台灣小食!!!

去處推薦:

淡水,環境優雅,又多野食,多野玩,多野買,真繫個好去處.怪唔知個小瞇等閒冇事自己一個都會去……..

士林夜市和個大夜市,以士林為代表,台灣夜市真系食個飽!而且又多野買.

台北101和周邊地區, 有錢人就應該去去.好似我地窮人都可以去睇睇,不過真系得過睇,

地也明顯貴過其他地方好多!但系點都要上下台北101,睇睇台北全景

西門町,年輕人的去處,不過也是追星族的比去」勝地」,每個週末幾乎都會有明星到訪.我就好唔好采,撞到F4的簽名會…………見到一班來自東洋和香港的司奶竟然感激動,場面震撼!!!!!!~~

比較失望的地方就系台北故宮,原來只系一地當年老蔣從大陸帶過去地野…………..無聊,不過門票幾平.

11:03 PM | Add a comment | Send a message | View trackbacks 0 | Blog it