[游记]夜访长洲坪洲游记

上星期五4月20日晚,1930坐民國入長洲,到達後即去大排擋食涼瓜牛肉飯,2130再坐民超回中環,當晚較潮濕,視野有少許煙霞,感覺一般,不過夜航既滋味係幾好,特別是回程時乘客稀疏,冷清清既氣氛,有一種寂寥淒迷的情景,容易會觸動到敏感而又多愁的情緒,係好定壞?! 其實減壓既過程不在於以空間換情感來刺激自己. 想事情想得太多會墮入盲點,鑽牛角尖;處身寧靜的自由空間是讓個人跳入廣闊空間,再一次告訴給自己知樂趣是可以選擇,多元化既.世事係彈性生動化,真亦假時假亦真!看一件事物無需拘泥公式化.

遊船河在海上給我遠大感覺,示意目光不需狹窄.處事做人要生D!

4月27日星期五晚,1800紅碼天星去中環,那航線很好,打橫行維港,有別於尖咀直線的短促;由紅磡開出望兩側景色無論係北角灣仔或是尖東,你係跟陸上景物一併平行,跟岸邊仿如車子般前進,應該話仿如一人跑步速度.十多分鐘維港遊,看景物角度不同,那種打斜過海的看法,我覺得比尖咀過海的觀感,會較親切較貼身.

1830民顯往坪洲,那時間一致的是歸家島民多,平日那些時間係回家既人,而我以遊覽人身份,坐係樓下船尾欣賞海浪,那個時間黃昏已到尾聲,開航不久,太陽蛋黃已快跌下近山腳底了,不過此時天色變藍,一邊華燈初上,另一邊黃漸藍的天腳底色,影相效果出來係給人一種休息回家收工的感覺;當然我此時不是回程,正是上路去程,有些探險感.

同時,1830也有民英去梅窩,顯係早英小小開行,英係一直跟著顯尾,我覺得似船隊行列行陣一樣. 至駛入坪洲島岸線,剛好已完全入夜了,望向對面愉景灣,沿海水面好平靜,入夜在坪洲碼頭待一會,夠了,不用花時間夜裡四圍行,1945有船回程,返出去先食飯啦,不作逗留無妨. 回程船民傑,經交椅洲時見到一批貨船停泊海上,有些正在作業,我幾鐘意看到那些船開著既大光燈,白色橙色燈的照射在黑夜海水上,好有神秘感,好鬼怪既味道.

新增回應