[游记]长洲游记

October 30

長洲 遊記

傳說重陽節會有瘟疫來襲, 一定要帶埋d牲口上山先至可以避過一劫, 咁岩病緊, 我諗都要上山避一避先至可以好番

重陽節前夕既星期日, 風和日麗, 10月尾都竟然仲可以29度, 今年既夏天真係特別長, 咁好既天氣, 梗係要去郊遊一番, 今次既目的地決定衝出西貢, 轉戰張保仔

原定1:30pm係港外線碼頭出發, 可惜中途遇到山賊, 延誤左一陣

正式出發係2:30pm既慢船, 搖下搖下, 搖左好似45分鐘, 終於到達神秘既長洲喇!

入到去3點幾, 第一時間就行左去長洲東灣海灘, 真係以為家陣仲係8月既炎夏, 成個沙灘都迫滿哂人 (應該有一半係賓賓印印), 仲有好多靚仔靚妹加自由神

而係沙灘既邊緣, 有一舊大石座落係海中心, 上面好神奇地有一個身穿格仔裇短褲既釣魚郎係度, 望住佢釣魚成兩粒鐘, 佢應該只係釣到兩條咁大把!

跟住就番左去東灣既小食店坐底爽番支青島, 坐坐下又成粒鐘喇

行番出碼頭, 正想番出去既時間, 先知道原來長洲係有公屋既, 咁就決定行上去長貴邨睇一睇, 呢個公屋我諗同埋赤柱係全港環境最正既屋邨!

對上一次去長洲都有差不多有4個半月喇

而星期日去長洲, 我諗無15年都有10年架喇最少都

真係無估過長洲星期日係咁多咁多人, 直頭多人過旺角咁濟, 何其壯觀, 到左夜晚又變左似西貢, 沿住碼頭一字排開, 十幾間海鮮檔, 檔檔都係爆哂!

假日都係少去為妙!

第一次由長洲搭船出尖沙咀, 雖然係一架快船, 但係真係好好訓, 訓得好舒服!!!