[游记]07长洲camp

February 25

23-25/02/07 長洲camp

23-25/02/07, 我地成班pizza hut fd去長洲camp, 依幾日真係玩得好開心, 真係想快d再去一次。

第一日, 我地約左11:45係中環碼頭等, 而船開時間係12:15, 但蕭蕭遲大到, 我地差d趕唔到班船, 真係好險~~~ 因為半個鐘先有一班船, 我地1:15左右入到長洲, 諗住有好多時間淨(因為2:00先有房攞), 食完野先去攞房, 但因為有特發事件出現, 令我地大失預算, 因為傻仔東唔見左銀包, 要上返船搵, 但最後都係搵唔到, 咁我地就去食野先囉, 食完野攞左房擺低d野, 我地出去租單車, 之後去買日用品, bbq食品等等, 而傻仔東就去報失。買完野都天黑啦, 咁我地就開始整野bbq, 一邊燒一邊傾計, 我地咁啱有十個人而且又睇緊十兄弟, 咁我地就用年齡黎分, 我就排第5~~~燒完之後就沖涼同打牌。terry就成11點幾先入到黎之後第二朝出返去返工(傻仔)

第一日人物: 阿ki (阿大), calvin (阿二), karen (阿三), cathy (阿四), oscar (阿五), lok (阿六), 東 (阿七), 阿ki女朋友 (阿八), jerry (阿九), 蕭蕭 (阿十), terry

第二日, 我地12:00左右起身, waikit同winnie入左黎, 咁我地就一齊出去食lunch, 食完之後諗住開始踩單車遊長洲, 點知maggie同阿ho又入到黎, 咁我地又等埋佢地, 順便教下阿lok踩單車(用輔助車輪), 集合之後我地向東面行, 行左一陣, 原來冇路再行, 咁我地就轉向西行, 行到最西面, 我地就放下單車開始步行, 開始既辛苦又刺激o既旅程, 我地行下行下就去左張保仔洞, 仲入埋去,裡面又黑又窄, 肥d都入唔到呀(好彩我地個個都入到), 我地發揮我地既團隊精神, 一個拖住一個, 好快就出返去啦, 之後再繼續行, 去到五行石, 影左一陣相就返轉頭, 攰死人啦!!! 出返去之後, 我地去左食海鮮, 好豐富呀, 食完之後我地有d就返左沖涼, 有d就去左馬會, 有d就去睇下野, 有d就去買野再bbq同埋蛋糕(winnie就24/02/07, waikit就23/02/07生日) 大約10點幾, terry又再次返黎啦, 而eric仔就11點幾先入到黎, 齊人就後開始切蛋糕, 之後就各自玩, 有d傾計, 有d打牌, 有d睇戲, 有d訓覺。

第二日人物: 阿ki, calvin, karen, cathy, oscar, lok, 東, 阿ki女朋友, jerry, 蕭蕭, terry, eric仔, waikit, winnie, maggie, 阿ho

第三日, 我地打牌打到8:30左右, 烚左一陣, 10:30左右開始準備走人(12:00交房), 之後去食lunch, 睇精品, 搭1:30船出黎。

今次長洲之旅我覺得玩得好開心, 希望下次再約咁多人一齊出黎玩