[游记]2月21日长洲岛徒步游记

揾唔到古民居就顺住深井的外围行啦，离开深井码头的时间系2点半，前面得一条路，顺住行就会经过一段好长的堤边小路，左手边系大片农田，右手边系一条小水道，有芦苇同矮树，前面已经可以望到大学城嘅建筑。一个人行系呢条路上，非常清净，如果配合埋日落就正啦，不过行完都只系3点，有排都未见到日落。提醒大家，呢条路其实几长，我行左大半个钟，只系因为我行得快，不过如果你来拍拖就另当别论啦，应该唔会介意条路长嘅。

最后来到赤坎桥，过去就系大学城，本来想再穿越大学城，不过大学城过年期间鬼影都无只，问路都难，啲路又长，指示牌都唔多，惊兜来兜去荡失路，等下次有地图系手上先啦，何况我都未食饭。

其实今次嘅徒步旅游几多遗憾，长洲嘅景点一半无去，主要系浪费系军校影相嘅时间太多，而且最主要目的嘅深井同新洲古民居无去到，极之遗憾，下次补数！

我最后去广大旁的枢纽站坐车出广州大道，部车经过小洲同瀛洲，听讲都玩得下，重有好野食添，下次一于长洲，深井，新洲，大学城，小洲，瀛洲一日穿越，如果可以就去埋官洲生物岛。另外好想去长洲旁的大吉沙，上网见到话要租船过去，一个人去就无数为。想办法约人去先得。