[游记]07.05.01长洲Der意妹の日记

之前電左壞左同沒有影相，所以遲左一月先post相同打blog..所記既野都係一月之前發生，希望我仲記得發生咩事吧!!!

話說...五一黃金週，表姐同小關都黎左香港玩左幾天，今次目的就係去<<長洲>>，其實真正目的係去買海味。

果日一行六日就衝入長洲啦.......佢地都話仲早過平時返工，去到中環...因為慢船要等成一小時，所以我地就係出面影下相，食下野。

(唔搭快船原因....因為我上次搭到傻，勁想嘔....名副其實的貼錢買難受，見過一次鬼都怕黑啦。)

入到去，突然見到長洲獨有的東西wo..咁細架消防車你見過未?仲唔係長洲獨有。 其實消防員哥哥想開走好耐了，不過太多小市民要同消防車影相，所以停留左一陣，其間消防員哥哥仲好慘就做左一陣攝影哥哥，我想他一定十分無奈吧!

媽媽成日話:呢d咪又係同出面果d一樣，邊有地方真係自己晒呀..而邊有咁多蝦呀。有圖為証..今次仲唔mok你排牙，真係有人自己晒嫁。 我地都買左少少....蝦干好味，好似真係一隻蝦咁好食過蝦咪。

媽媽超怕晒的，落雨撐傘，天氣好又要撐。 不過.............媽你撐成咁..........會不會有點那個呀?

關銳恆一直都叫救命，因為當天太熱啦，又一直行，結果行到海灘...就好似見到銀兩咁~~由一隻死狗變成龍。 因為媽媽怕晒，所以玩左一陣而已。
之後食完成個拳頭咁大既魚丸....就趕船返出去啦~