[游记]长洲，巴碧桥 莎比路的优雅日记

琴日約左三少一班同事入長洲。 點幾鐘，去左IFC既MIX度食野。

先頭部隊(我同3少)要一早入去打點下巴碧橋既野，其他人就夜晚入。時間仲好早(2點幾)，所以去左行街街~~~

嘩!!原來長洲有好多賣民族服o既舖ga!!!!真係目不暇給!!!有一間正到入左去就唔想走~~款又多，又唔貴~~~3少好好人，送左條pashimina俾我~~~舖頭附近o既日本婆婆今日同琴日都冇出現呀!!我要食我要食我要食呀~~~下次我一定會再黎!!

掃!!掃!!掃~~街!!先黎香草德國腸一條，再黎一碗腐竹薏米，接住係煙肉卷，炸脾，豆漿一大支!!!

去天后廟上香，我地分別求左支下籤...orz

好!!!買酒買肉買買買!!!拎到我地成隻狗咁....

返到屋仔附近，去左允升買正斗糯米糰~~

坐坐下又餓，先到允升買多轉甜品，再去老麥買糧，回程路經點心檔，摑哂神沙先買到四粒蝦餃......

夜晚11點幾，3少同事到左。起爐果陣，有成3隻貓走入黎。 眼部火焰砲呀喵!!!!

藍眼果隻喵，趁我地入哂屋，拖左件生既西冷落地食呀!!

我地玩得太嘈，仲俾人投訴...

4個人加埋成百幾歲，玩冚棉胎都笑到碌地。鋤dee，我係琴日先學識...orz

今朝交完房去飲茶，同枱有個伯伯不停向我地搭訕，大家都有d唔耐煩。XD

出返黎之後，去行玩具反斗城。頂唔順，太眼訓，回老家~~(3少要返工啊~)

-----------

好令人懷念既吹波膠~~~

回程影ga~~