[游记]20060506长洲顿变葵芳的一日

5月8日

20060506

原本今日諗住入長洲睇太平清照，但係最後都係覺得無咩興趣，又諗住影下果度d風景0既，但係長洲咁多人入去好似好白痴咁，所以最後都係咁入到去，聽老婆話去左葵芳睇衫衫... ...

我坐40x諗住係葵俊苑落喇，一落車已經覺得有d問題，但都落左車喇，咪見路就行喇，上左天橋行啊行，已經感不妙，哈哈～我落錯站去左葵興，攪到要坐地鐵返番葵芳，真係名乎其實的路盲啊！

到左葵芳已經見到老婆，嘻！又可以同老婆行街街喇！我地去左吉野家食野，hehee～之後一齊去左廁所，啊～咁樣一行竟然俾我搵返三聯書局係邊喎！我地係書局睇左成個半中書啊！點樣講我同老婆都係一個中意睇書的人！睇睇睇，唔知係唔係自己睇得書多左呢！不知不覺間對書的要求高左，例如書的內容充實與否，趣味和實用性，就因為咁更加覺得香港的書種真係唔係好多，重有d書來來去去都係咁幾款，真係幾悶，因為咁更加刺激我去台灣的衝動，看電視聽朋友講，都說台灣是個很多小吃和書種的地方，單單這兩點已足夠吸引我，而且台灣是我和老婆都想去旅行的一個地方。

睇完書之後我地照原定計劃去睇衫，但行唔夠幾步我地就見到模型鋪，我地俾d模型吸引左入去，睇下睇下，竟然俾bb搵到佢想買果部「死神高達」，重要係特別版添啊！透明架！bb好開心啊！得一盒架咋，咁都俾bb搵到！我地即刻買左，梗係喇，呢部死神已經難搵架喇，重要係特別版，真係重難得啊！

之後繼續去睇衫，但睇左好耐都無岩心水，行行下又見到模型鋪，咪入去睇下囉，點知俾我睇到頭先睇中果盒大劍高達喎，重要平成80喎，嘩！咁...咁...咁...諗左好耐，買唔買好呢！最後bb話支助我70蚊，咁我就買左喇，HAHAA... $130咋，好抵！買完之後見時間又唔早，咁就坐巴士返馬鞍山喇！