[游记]风车男白云山之行

May 20

風車男白雲山之行

今日一早八點十係舊建等齊人一齊返東山早堂,今日返早堂,個牧師年紀大講野唔多清楚,不過今日的講道令我想起jnuf,希望jnuf都有聖靈在當中的澆灌啦~~之後去左kfc食野,食完就一齊去白雲山啦,今日風車男有家成,子敬,進傑,大joe,阿朱++++五個人去白雲山行山呢,影左好多相,今日好感恩的,因為之前話如果落大雨的話就唔會去ka啦,去到白雲山無雨落,店呀~~今日可以比我地行下山,吸下新鮮空氣,望下周圍的景色,又可以食到豆腐花同egg,行完之後,落山時先開始落雨,好彩之前我地影左好多相,見到風車男行得好開心,有傾有講,仲有咁靚的風景,呢d都係要讚美主呢++++

今日都有好多難忙事,一對坐得好有姿勢的情侣,比家成同子敬係咁影

廁所的石標靚到我都要影幾張相呢

我都好鐘意呢一班組員,一同的分享好真誠++坦白

一齊食豆腐花的時間,仲有一齊行山落來時同進傑的同行

毎樣都令我好深刻

感謝主讓我地可以有一次咁好的outing~~

行到落來都五點幾,坐的士返來去佰家樂食飯,食完飯就各自返宿舍啦,我同進傑去搵少儀攞返d野先走,送埋進傑返宿舍,係建四又見到雞仔同珠女等人,又傾左一陣啦,之後同少儀睇左一陣國際文化節,但佢八點先開始,所以最後都係返宿舍做功課算啦,上左一陣網就做功課啦,今晚地獄式瘋狂做化工報告,抄又抄左好多野,計又計左好耐,都幾累呢.....