|
序言
公元2006年8月28日,星期一.我终于玩转左长隆欢乐世界!点解讲"终于".其实真系有D唏嘘。我用左多一倍既时间，搭左多一倍既车。先至玩得晒所有年轻人应该玩既野。
我去左两次，仲系连续两日！第一日，星期日。超多人，而且同埋表弟表妹阿姨一齐去。果两个表弟先话得七岁，而且身高1米2。表妹都系仅仅10岁，而且身高145。
可想而知，呢一次既旅程对于我呢个血气方刚，兼且胆生毛既热血女青年来讲系几甘沉闷。见到刺激既野都玩唔到，一句到尾---“晒钱晒门票”
好彩！长隆始终唔舍得我，二家姐又约我去多次！我霖到D甘鬼刺激既机动游戏，唔理前一日行左甘多路，搭左甘多车，一于又去多次！
喜
由于系星期一，少左好多细路同佢地既爹地妈咪。长隆~我来也！
十环过山车
虽然话呢个系登入世界记录既过山车，又虽然话我系第一次玩呢D大型机动游戏，会紧张，会尖叫几声难免。但系，呢个十环唔算刺激，只系倒吊甘冲落去会觉得比较辛苦，个脑有少少充血。同埋个身有D压抑。
我无预期中甘惊咯，玩完之后行得跑得。仲系度霖如果有时间要玩多次，要坐头位！
天旋地转
倒吊定系度2~3秒果阵真系几辛苦噶！不过有个900度同540度既回旋真系几好玩。都唔错噶，其实。
摩托过山车
唔知点解，从开始到落第一个斜坡，都唔听到有人尖叫。唔知系米人地太犀利，定系因为我系坐头位，后面人D声唔传到上来。于是我都收埋声了，其实尖叫只系想释放吓啧。只有我叫，无瘾噶。不过速度真系超快，由零加速到80公里，都系只需要2.8秒。
好似真系自己开紧摩托车甘啊，好想再玩多次，可惜排队既人超多。
跟住玩左几样，不过唔值得提。
跟住两点钟，睇完魔术表演，想玩全场最正既U型滑板。点知越排队个天越黑，后尾仲落好大雨添啊！呜~~~无得玩。
U型滑板
等到差唔多三点半，雨又好似细左。于是我拉起二家姐又冲去U型度排队。哎呀呀，虽然仲有小雨，但系工作人 员开始试机啦。耶！
我地终于成为左落雨之后既第一批玩客。张凳虽然仲湿湿地，但系都俾我既热情蒸发晒啦。我250度既近视眼仲睇野睇得好清楚，好清楚自己点样转来转去。成个游戏过程中尖叫声都未停过啊。玩完之后，有D想呕，不停甘咳。
但系当我罗起个包包，我同二家姐二口同声“不如玩多次啊！”
趁住人未系好多，我地又坐多次，都系好好玩啊。今次我仲拣到个靓位，无论上同落都会成个人向住地下噶~！
不过喉咙超辛苦。因为叫得多吖嘛。
走果阵，我话：“唔知十环多唔多人排队呢？”
于是又走去睇吓，今次终于坐上头位啦。唔使惊人地D口水啦。哈哈。
结尾
坐系部公交度成日觉得中间有条安全带。
对尖叫声特别敏感.......
呢次既旅程系瞒住阿妈噶，如果俾佢知道我去两次,骂死我都有知啊......
不过终于系阿妈落班前五分钟安全回家.
哈,好开心.
| 