[游记]万绿湖游记

星期六日，一连两日既河源万绿湖之行终于结束喇，虽然时间唔长，但系总体来讲呢次旅游都算比较满意，^_^ (公费旅游算系甘喇，做人要知足，哈~~~)

星期四广州既天气都仲系唔好，我仲担心紧系咪要担住把遮去游山玩水，好彩到佐星期五天气就好翻，thanks god。

星期六晨甘早就要起床，因为8点就要出发了。(好想训懒觉啊!!!不过我都系7点就醒佐，可能有得旅游就觉得兴奋呱) 由广州到河源全程都行高速，大概3个钟就到了。一到步即刻有大茶饭吃(爽，就一个字)，全部客家菜(河源市系客家人为主喔，入乡随俗，所以饭餸都要跟翻囖)。匆匆吃完就出发去第一个景点——桂山风景区。(好嘿想训觉啊，吃饱就想

训，-_-ll)

桂山系河源市境内最高既山，海拔有1056米，我地要去既地方系桂山山腰既一条山沟，叫野趣沟(好搏既名，汗一个先)，系万绿湖湖边。其实讲白D就系来呢度爬山，不过没所谓啦，咪当运动下，呼吸下新鲜空气，洗下个肺囖。有青山有绿水，精神都爽D既。我地大队人马成50人，跟住个导游慢慢紧行上山，行没几耐就到佐一个湖边(好细既湖，叫野鸭湖，

好暑鸡既名啊，又要汗了)，原来呢度仲可以玩漂流添，由山上漂落去一直漂到万绿湖，不过系人工整既，我觉得同过山车差唔多，没瘾。由湖边既山路我地继续上，来到一个叫狐

狸坳既地方(又要汗啊)，呢度系个俾人体验越野既地方，我地一大团人居然排晒长龙系度等住玩爬绳梯，独木桥，and so on。我都系玩佐一段路就行翻出来继续爬山了。过佐狐狸

坳，就到佐响水坪瀑布。来到风景靓既地方自然有大把人系度影相啦，我影佐两张就行开了，继续上山(导游话到佐呢度就唔可以再上了，我同两个同事偷偷上既，嘻嘻)。最尾我

地几个来到一个又系有瀑布既地方，就没得再上了(爬佐甘耐，都没咩好睇既，有D失望)。我地沿路返回，沿途我仲影佐D相，当系到此一游甘囖。

游完野趣沟，我地去佐一个叫苏家围既地方。苏家围系宋代词人苏轼(苏东坡)既后人居住既地方，一个历史悠久既地方(一个破烂不堪既地方，呵呵)。我地系度参观佐一D古迹同埋文物展览，仲睇佐一场民俗文化表演添。

第二日就系重点喇，去万绿湖游船河(就系甘咋？就系甘囖，你仲想点)。万绿湖系华南第一大人工湖，水面面积有370几平方公里，系一个水库来。我地公司包落一条船出游，都几大阵仗囖。系湖边望出去系一片开阔既碧水蓝天，系船上望翻来岸边又系一片青山绿水，吹住清爽既湖风，欣赏大自然既秀丽，真系人生一大享受(睇耐佐都会觉得有D闷，哈~~~~~~)。船河没几耐就游完了，好似有D意犹未尽。。。

游完船河，我地系湖边吃埋饭，就起程翻广州喇，短短两日游，令人心情舒畅，唔知下次又会去咩地方呢？期待ing

(PS：第二日10点吃完早餐，到12点就吃中午了，真系饱到唔想吃，唔满足都唔得了，哈~~~~~

评论 (3) |