[游记]又翻咗嚟珠海啦

又翻咗嚟珠海啦

有时觉得珠海都係我嘅其中一个避难所，同屋企人嘅冷战已经持续咗两个星期，理由係为咗可笑嘅金钱，我真係唔明，佢哋又唔係穷，点解咁都可以同我嘈呢？

虽然我唔係好中意呢个地方，我对珠海无乜感情（每次我都係带住兴奋嘅心情离开呢度），但有时喺广州揾唔到温暖嘅时候，自自然然都会想翻嚟呢度，呢度都俾唔到温暖我，但係起码喺呢度我唔会再觉得自己嘅寂寞係咁可怜。而喺广州，一个我最中意同拥有我最多嘢嘅城市（无论我离开或者翻去都会好仔细咁望住广州嘅一切一切），我会觉得自己嘅寂寞会变得更加寂寞，原来一个咁伪善嘅人係咁怕寂寞。

或者珠海都有值得我留恋嘅地方，呢度有我最纯真嘅朋友，咁係我喺珠海唯一嘅安慰。