[游记]阳朔游记

阳朔游记～～

第一次自由行去旅行，成个行程有惊无险甘啦～～～

自由行最好既地方就系随意，随时都有惊喜～～～

下榻一间深圳人开既旅馆，名“无人堂”！

话说几年前无名堂老板好似我地甘以一个游客身份黎阳朔耍，因为哩一耍，阿老板爱上左阳朔，

同时又觉得哩度商机无限，于是就开左“无名堂”叠埋心水做个阳朔人！

据说无名堂系阳朔系一件颇有名气既旅店，特别得自由行的游客欢心～～～我林除左系无名堂

住得舒适外，最重要系哩度既老板对阳朔既熟悉同拒待客既风格。哩度无名堂同老板一齐你感

觉好随意，好似自己屋企甘。老板又会因应你要求帮你订立吾同既行程，或比颇有参考价值既

行程指引你，对于好似我地哩d第一次黎阳朔玩既人就再适合不过了！！

讲翻今次既行程，我地主要既目的系relax，所以都无安排到密密麻麻既行程，每日训到足训到

够先懒洋洋甘爬起身去找乐子～～～

第一日我地首先逛左下白天既西街～～～白天既西街无咩特别，感觉就好似一只未训醒既夜猫，

比较沉寂～～～游人都吾算多。可能系因为有西街既原因，又可能系因为阳朔已经系一个开发

得比较成熟既旅行地方，所以整个阳朔比我既感觉系商业味比较重，掩盖左阳朔本身山山水水

既灵气～～

食完午饭，撞岩无名堂老板摇旗去兴坪，我地当然无泄底跟埋去啦～～兴坪离阳朔百几公里，

要开差不多一个钟头车先去到，如果吾系有老板，我地边识去吖！！

系兴坪我地见到左我地印象中阳朔应该有既好山好水～～～老板仲带我地见到左二十蚊人民币

背面果哒风景～～～～真系一模一样！！！原来二十蚊背面果个风景在阳朔！！！

系兴坪既第二个节目既做电动竹排～～～～

系竹排上面一路前进，一路睇住沿岸既风景真系悠游又写意，江水清澈、蓝天白云、青山绿水、

和风轻吹，身上既烦嚣被冲刷得一干二净～～～当我以为眼前既丽江已经美不胜收时，但原来

系后面既行程我见到既更靓～～～～

离开兴坪老细带左我地去一个好隐蔽既竹林食农家菜，果度既招牌菜系丽江名菜啤酒鱼。虽然

我吾食鱼，但见到大伙儿系品尝哩味菜时既满足神情，我知道竹林既啤酒鱼果然系不负盛名既

～～～

食过晚饭稍作歇息，我地向夜晚既西街出发！

夜晚既西街果然如一只苏醒既夜猫，充满活力。

西街以酒吧林立出名，在我所见，西街有各种吾同类型既酒吧，有D、有清吧、有café，比较

得我欢心既系大大小小装修风格各异既café，睇得出哩度既café装修布置都比较用心，每间都

有各自既主题，好似有一间以瓷器做主要装饰，里面有好多可爱既猫猫陶瓷，我都忍吾住同拒

地影左几张相。有一间就随意甘堆砌左吾同既书，令成间café充满左书卷味～～

西街仲有吾少食西餐既铺头，摆明就做外国人生意。讲起阳朔既外国人，拒地系阳朔一道亮丽

既风景线～～～因为我觉得拒地真正带出左阳朔既随意同悠闲～～～拒地比我地哩D本土游客

更加懂得享受阳朔既宁静同暇逸～～～

系西街买吾到咩值得纪念既手信，反而系离开西街后系一个买挂画既地毯买到张同我好似样既

挂画～～～～哈哈哈，一睇就觉得系我！！一个小女孩同一只猫～～～～好干净，好舒服！！

如果我永远都可以好似画中既小女孩甘就好啦！！！

第一晚既余兴节目系西街外既大排档～～～西街外既大排档开到成行成市，但未以为档口多就

多野食，其实每个档口有得食既菜式都系一样，亦吾见得有咩特别既菜式，不过入乡随俗，既

然一场离到点都要试下既！！！

睇饱景，食饱野，第一日既行程完满结束！！

第二日我地依然系训到太阳晒屁股先起身，悠闲甘食过午饭，我地跟住老板去左遇龙河！

讲起身其实几奇怪嘎，哩几日系阳朔个天都算待我地不薄，每次我地出行天公都会作美，令到

我地既旅程舒服好多。好似第一日我地一去到兴坪就收太阳，而去遇龙河果日，部车行到半路

就落起左大雨，当我地以为会扫兴时，一落车雨就停得七七八八了，仲因为落过雨，空气显得

特别清爽，当我地系遇龙河漂流时隐隐约约既一阵雾气仲衬得沿途景色特别清新秀丽添！！！

系遇龙河我觉得我坐到既竹排先系真正意义上既竹排，因为完全系人力滑行既，无左之前系漓

江坐竹排时机器推动“嗡嗡”带离既败笔～～～

遇龙河上见到既景色吾系我见过最靓既，但系坐系人力划动既竹排上静静甘享受果片宁静果种

舒心既放松，又系我从后来未感受过既～～～人间美景不胜收，你真正睇到既感受到既先至系

你真正得到既～～每一片景色都有拒怡人既地方令你觉得不枉此行！！！

遇龙河归来，我食左认为系整个阳朔之旅最好味既一餐。去左一间东北人开既饺子馆食饺子！

果度既饺子同东北菜都做得好地道，食左令我有种好warm既感觉～～～

晚饭后继续逛西街，哩晚逛西街颇有收获，帮衬一个聋哑街头艺术者画一件人像T！！！画得

似吾似吾紧要，关键系将我地哩个阳朔之旅定格左系里面，好满足！！

阳朔最后一日我地去左踩单车！！！！

虽然哩日既行程系最晒最攰既，但系就系最意外，最开心既一日行程！

我地顶住烈日踩单车向附件既小村落出发！以为会好晒，但系踩左无耐就进入一条林荫小道，

踩住单车感觉真系远离左尘嚣，远离左阳朔恼人既商业气息，去边度，停系边完全就靠自己

操纵！！中意踩去边就边，中意系边停就系边停！！好自由烂漫！！！

一路上我地见到左好靓既天，好绿既田，好清既水，好壮既牛，好得戚既鸭仔，身心得到左

彻底既放松！！！一个下午既“自驾行”话甘快就过去！！

特别值得一提既系，阳朔既星星真系好靓，每当夜晚我抬起头望住阳朔既星空，我就会觉得

好清新、好舒心，好宁静，果片星空有抚慰人心灵既作用～～～～

阳朔之旅得到既何止系好山好水好放松，得到既更加系一份了解同感悟，令我真系感受到，

一个人如果仅仅系带比你快乐，同你享受欢乐系吾足够既～～～快乐令人乐意接受乐意感

受愿意一齐盛载，但悲伤呢？痛苦呢？又系咪人人都肯愿意深入你既内心去感受，去领悟，

去体会呢？？？

愿意去感受你既痛苦已经难得，愿意去感悟，愿意去明白，愿意感同身受甘去了解更加难得

！！要做得体谅、原谅你既所有痛苦就更加难上加难了！吾系一个普通凡人可以办到～～～

而我身边既人却可以做到八、九了，满足了！！！感恩了！！

P.S.

系度要特别多谢项菲同肥仔～～～

人地话出外靠朋友，讲得一D都无错！！但系我出外靠既朋友一样系系广州既朋友！！！

系我吾见左手机时，多得死项菲不厌其烦甘帮我打左无数个电话去停机！！！其实吾见左部

电话我关心既只系我果个好靓既电话号码系咪罗得翻，而吾系好似有人林既甘我紧张里面既

资料！学似雕讲既甘，我仲有可以吾见吖！！！好在菲吾怕麻烦不断帮我打电话去停机，最

终仲要停到，令到系阳朔既我可以放低心头大石！

而肥仔就帮我排左个几钟头队补办翻张电话卡，等我一翻到广州就有得用！！！！

翻到离之后系鬼妈既关照下买翻部平靓正既手机，当然仲要多谢一再坚持要买翻部电话比我

既梁经理啦！！！！

吾该晒你地吖！！！！爱死我既朋友！！！！！！