[游记]三亚游记之闲逛市区步行街

三亚游记之闲逛市区步行街

09:00 响悭钱的原则下，点辛苦都要起身落去吃埋个送嘅自助早餐。

10:30 早餐同午餐嘅任务都完成晒喇。上房执拾行装准备番广州喇。事关中午就要退房，冇时间再落椰林树影、水清沙幼、风景怡人嘅海滩享受与阳光玩游戏喇。唯有睇下晏少少有冇时间再落去影下相咁啦。

12:00 退房手续办理完毕，戚住一抽二“能”仲可以去边呢？原本想响酒店门口等果部双层嘅穿梭观光巴士，去下啲老土景点嘅。奈何三亚真系太好阳光喇，企咗几分钟经已汗流浃背喇。经不住数部响路边搭讪嘅的士嘅挑逗，最后我哋决定再次打车去市区闲逛，消磨到而家至晚上10点嘅时间（定晚机走系咪一个错误呢？）

13:00 打咗30蚊的士，中途仲要转咗呢一部车添，我哋去到解放路的步行街。一条响两座四层建筑物之间的“街”，都系以卖服装饰物为主。我哋仲好高兴发现果度有M记同肯记，谂住晚黑果餐有着落喇。

14:30 行咗一轮，实在太闷。于是揾咗间咖啡厅坐下，唔吃M记同肯记喇。点知老公错误地叫咗甜品吃。雪糕都尤至可，果杯冰沙就完全唔掂当，叫冰碎就差唔多。吃完两杯嘢之后，完全吃唔落其他嘢。点挨到夜晚11、2点呢……

16:00 系时候要番酒店等部车嚟送我哋去机场喇。为咗今晚果餐有着落，就打包个炒饭番去，到时坐响沙滩边，一路享受海风，一路吃埋佢。落到楼下，揾咗部的，讲咗下价，返酒店咯。三亚行程好快就结束了。

17:00 因为个司机听错咗“天域”为“假日”，兜咗一段路。返到去时间尚早，都可以去多次海滩，但落唔到水，只能响崖上影个机，留个念。海滩上见到个好得意的鬼仔，响度玩紧沙，仲用个铲“不”啲沙放入佢阿妈只耳仔度，呵呵呵……实在太得意，乘机偷影咗佢几张相。呢个时候，某旅行网站打俾我，话我订果班机取消咗，系咪同意提早一班机走。横掂我哋都冇地方去嘎喇，早少少番广州都好嘅，同意、马上改票、得咗。

17:50 改早一班机嘅结果：我哋要晨早去机场，亦都冇时间响海滩吃埋我打包合炒饭。事关送我哋去机场嘅车安排响呢个时间。

19:00 比起飞时间早咗两个半钟去到三亚凤凰机场。为咗吃埋合炒饭唔好“晒”，响机场的快餐店再叫咗份添，借个位咯。

21:30 登上飞机，从阳光灿烂嘅三亚飞番雷暴交加嘅广州。

22:40到达广州新白云机场。

00:00机场快线接驳的士番到屋企，三亚之旅正式结束。