[游记]德国之行

February 13

德國之行

德國之行的不是我,是老婆.
那又代表什麼呢???

代表我要一個人對住啊仔喇~

對於我同啊仔o黎講,都係一個幾大既挑戰,因為自佢真係董事以o黎,老婆第一次離開佢咁耐~

我同老婆都唔知佢會有幾唔開心....幾咁紐計???

點知....最後卻比到我地好大既驚喜(特別係我自己)~

由第一晚一齊送老婆上車o個一刻,佢都好叻,冇喊~

可能係我地之前對佢既輔導做得好掛????不停咁同佢講解~

又可能佢知道返到屋企有keroro模型玩掛????

呢個真係唔知~
不過戲肉o黎喇,就係星期六,同星期日喇.....因為真係真真正正要同啊仔相處兩日喇~

訓醒食野,跟住就同佢去左太古城~
同佢講好左,會帶佢去睇人溜冰,佢睇得好開心......不過最衰就係之前我整親隻腳,唔係我一定會帶佢入去玩o下,佢一定會更開心~

之後同佢去左冒險樂園.....我同佢講我冇帶coins....所以冇得玩......(不過我真係冇帶)!!!!

之後再同佢去左反9城,仲同佢一齊買左隻giroro模型,佢開心死~

跟住佢自己都話好累,要返屋企喎~

哈哈哈!!!

星期日,lunch之後就同佢去tom lee......冇乜特別,不過點知一落車......原來tom lee搬鬼左都唔知......

心諗....死火喇.....又遲到....又醒唔起搬左去邊.....點算好.....

最後硬住頭皮問啊仔.....落左車向邊個方向行呀???

點知佢望左一望就話o係左手邊行.....我自己都半信半疑咁行.....點知一行到個街口就見到間tom lee喇......

去到tom lee門口佢仲話比我知上幾多層樓tim...........佢仲可以話到比我知課室係J1 tim.....

佢之後仲同我講......我識路去tom lee呀,我仲話比爸爸知點去tom lee tim,爸爸下次自己識得去喇.....吹帳....我好似比啊仔串緊咁....

啊仔.....你好野!!!!

之後同佢去左食tea....(其實係我食)比佢d屎屎尿尿玩左我兩劑.....最後急急腳打的返左屋企~

夜晚同佢去左飲,佢都冇乜野,好叻仔~

直至老婆返黎既前兩晚......佢開始有d掛住老婆喇......
訓左覺合埋眼都仲要話媽咪好曳.....唔好去德國......咁咁咁......

老婆返黎,德國之行都結束喇~~

我自己,都好enjoy同啊仔一齊既時間~

我同啊仔,都o係呢個trip入邊成長左!!!

(p.s.: 老婆,你冇見啊仔成個星期,見返佢話佢曳左,其實佢唔係曳左,而係佢不斷咁學習,成長緊~~{唔關我教壞佢架})