[游记]#152——伦敦游记—第四日(29/12/06)

(上回講到: 去咗大英博物館, Covent Garden, Seven Dials 等等....)

唔經唔覺第四日喇, 今日去嘅地方我家姐都算遷就我喇. 首先搭地鐵去 Putney Bridge 站 (近倫敦西面), 目的地就係我鍾意嘅球會, 其中之一嘅富咸 (Fulham) 喇. (註: 如果由 Putney Bridge 站再搭多 4 個站到 Wimbledon 站, 就係網球四大滿貫之一嘅: 溫布頓網球賽嘅場館喇)

到咗 Putney Bridge 站, 大約行多 5 分鐘就可以見到富咸球會嘅 club shop. 富咸呢區始終都係近郊, 所以沿途都唔見太多人, 亦都比起之前幾日去嘅地方寧靜, 感覺好舒服呀 !! (可惜間中落幾大雨....) Club shop 唔算大, 亦都冇顧客 (得我 & 我家姐兩個), 但係啲職員都好友善, 有問必答 (啲英文好純正, 聽得好舒服; 有時啲英國人有蘇格蘭或者愛爾蘭口音, 聽得好辛苦 ga !), 我越來越鍾意富咸喇 !!
上圖: 到咗喇 ! Club shop 嘅門口. 簡單嘅黑色配白色, 係我鍾意富咸嘅原因之一 上圖: 櫥窗都幾有聖誕氣氛. Full gear 嘅假人. 上圖: 職員櫃檯. 上兩圖: 富咸嘅貨品應有盡有, 如果係富咸球迷, 一定大大大出血 !!

我係百般忍耐之下 (簡稱忍手), 只係買咗一頂 cap 帽 & 一件 jacket; 遲啲再一次過 post 晒我喺英國嘅收穫. 但係富咸嘅球場, 就唔係喺 club shop 附近, 而係要行大約 15 分鐘至到. (球場都有一間 club shop, 但係要有比賽嘅日子先至會開). 雖然嗰一日唔係比賽日, 但正所謂一場嚟到, 點都要去睇下啦 !! 不過開頭行錯方向, 搵咗一輪 (我諗總共用咗 30 分鐘至到), 終於見到富咸嘅主場: 卡雲農舍球場 (Craven Cottage). 富咸成立於 1879 年, 係全英國歷史上其中之一間老牌球會. (註: 諾定咸森林比起富咸仲要有歷史, 成立於 1865 年) 球場由於歷史悠久, 所以比較舊及細小, 容量只有 24,550人 (當然唔可以同而家啲新球場比啦), 真係別有一番風味 !! 上圖: 卡雲農舍球場外貌, 幾懷舊 !! (應該係真係舊) 上圖: 鐵片係冰冷; 字句卻係簡單而熱情嘅 ! 上圖: 主閘入口, 大大隻字顯示出下一場主場嘅對手, 比賽時間及日期. 上圖: 主閘入口旁邊嘅 cafe. 上圖: 每一個區域及分段嘅入場位置.

終於要離開富咸喇, 下一站係自然歷史博物館 (Natural History Museum). 搭巴士去大約 15~20 分鐘就,可以見到呢座建築物喇 !! (離開富咸, 返到香港上網 check check 至發現: 原來車路士球會, 只係喺 Putney Bridge 站早兩個站落車嘅 Fulham Boardway 站附近咋 !! 如果我一早知道, 雖然我對車路士冇乜特別感覺, 但一定會去埋 ga, 有啲走寶嘅感覺....) 上兩圖: 自然歷史博物館外貌. 上圖: 好多人呀, 要排隊入場. 好多仲一家大細帶埋小朋友嚟到. 上三圖: 大量動物標本, 做得都幾逼真. 上圖: main hall 有大大隻恐龍, 迎接各位遊客. 上圖: 史上數一數二年老嘅樹嘅橫切面; 有大約 1800 年歷史 !! 勁 !!

離開自然歷史博物館之後, 我同我家姐就分開活動: 佢去第一日去過嘅 Piccadilly Circus 及 Oxford Circus 一帶 shopping, 我就去我另一個鍾意嘅球會: 阿仙奴 (Arsenal) 參觀喇. 要去阿仙奴非常簡單, 搭地鐵去 Arsenal 站, 出咗站之後向右行一陣間就可以見到, 阿仙奴 2006 年夏天至開始啟用嘅新主場: 猶長球場 (Emirates Stadium). 上圖: 阿仙奴站, easy !! 上圖: 阿仙奴球場外貌. 上圖: 阿仙奴 club shop: "All Arsenal". 上圖: 入面提供各種球迷服務; 如果想跟團參觀球場, 承惠 35 英鎊 !! (大約 HK$ 525, 我覺得冇波睇只係睇下個球場嚟講, 都幾貴 !!) 上三圖: 相比起富咸嘅 club shop 真係大唔知幾多倍, 喺呢處亦都遇到好多香港人 (但感覺好 "冷", 冇富咸咁有人情味) 因為香港都有好多阿仙奴嘅貨品賣, 而香港有嘅話, 一定比呢一度平. 例如大人波衫, 呢度一件要 40 英鎊 (大約 HK$ 600), 香港只係賣 HK$ 450 左右. 所以如果要買嘅話, 就買啲香港冇嘅嘢啦 !! 上圖: 原來球場另一面, 有另一間 club shop: "The Armoury". 比起啱啱嗰間 club shop "All Arsenal", 仲要大一倍 !! 上圖: 只係兒童部, 都同富咸嘅 club shop 差唔多大.... 上圖: Ticketing office 上圖: 球場其中一面嘅外面, 有大大隻 "Arsenal" 嘅字 (每一個字母都有 1.5 個人咁高) 上圖: 另一面球場外貌. 上圖: "The Armoury" 入面嘅印字部, 一字平排十幾部印字機; 可以想像如果係比賽日, 大批球迷排隊印字, 會幾咁壯觀 !! 上圖: "The Armoury" 舖頭外面, 大大個生招牌: 路斯基 (Rosicky) 是也 !! 上圖: 右有路斯基; 左有 法比加斯 (Fabregas).

我喺阿仙奴 club shop, 只係買咗一面 pennant & 一隻熊公仔, 就返 B&B 放低富咸及阿仙奴嘅收穫 (Arsenal 站離 B&B 附近嘅 King Cross St.Pancras 站只係三個站), 就去 Piccadilly Circus 同我家姐會合, 之後又係去咗一間 pizza & pasta 任食 (其實仲有沙侓都係) 嘅餐廳食晚餐喇. 上圖: 夜晚嘅 Piccadilly Circus 超多人; 馬路上面都有聖誕裝飾.

(待續....)

新增回應