[游记]阿姆斯特丹之行一

荷蘭每兩年就會舉行一次亞洲電影節,佢哋所選擇嘅都唔係一啲好新嘅電影。例如今年代表香港嘅電影係楊千樺同白靈嘅"餃子三更2之一"及何超儀同田原主演的"蝴蝶"。

我冇去睇"餃子",因為對嘉賓白靈嘅興趣不大,反而去咗睇"蝴蝶",首要原因係响香港上映時我都打算去睇,但係因為太忙一直都冇時間睇。今次主角何超儀特別邀請到場做嘉賓,如是者亨利佢攞咗假陪我去阿姆斯特丹一趟...佢去睇呢套戲主要係去玩追字幕..哈哈..anyway

呢套戲感動到我嘅反而係主角同佢阿媽阿爸嘅關係...睇到感動到落淚...有啲胸息(home sick)嘻嘻... 完場之後近距離見到何超同埋見到佢老公陳子聰都有嚟(原來佢哋兩個响前幾日睇完吳彥祖套"神秘電影"首影之後就飛過嚟嘅..)我呢個香港人當然會做一啲一般香港人鍾意做嘅嘢,就係同佢哋影相喇~~

其實認識何超嘅第一次唔係响佢嘅電影,係响佢細個嘅時候,我諗係佢15或16歲時响電視睇到佢响某個慈善籌款節目嘅表演,佢當時係打扮到成個Madonna咁又唱又跳,雖然唔係好記得當時嘅影像,但係仲記得當時佢係肥妹仔一名,當時何超嘅表演都唔錯,至少佢夠膽打扮到成個娜姐咁兼且又跳得... 噢,我昨晚應該問佢仲記得冇嗰個情景..哈哈

新增回應