[游记]华东五市行游记--南京篇

8/16/2006

华东五市行游记——南京篇

7月11日早上5：00，我同黄国富终于抵达咗南京，开始我地华东五市自助游旅程啦！有D开心又有D紧张。

第一站，南京，我地搭车来到夫子庙附近落脚，南京交通都颇算方便，地铁就系城市中轴线，我地揾酒店就当然要系地铁附近啦。我地旅程第一站，所以好奢侈咁奖励咗自己，揾咗间挂三星酒店：秦都大酒店。果然系挂三星，真系好正服务！住得好舒服。经酒店一个台湾——广东商人介绍，我地旅程嘅第一个旅游点就选择中山陵、明孝陵。中山陵，明孝陵有相睇，我系呢都就唔描述啦。不过讲真，南京无乜嘢玩～所以我地决定提早到无锡。

第二日上午，我地退房后去咗火车站买下午到无锡嘅火车票，之后去咗南京市中心繁华地段：新街口。新街口购物广场集中，三大购物广场相对，有专卖贵价嘢嘅“天河城”，都有大众化嘅“东百”，地下有“地王广场”，专卖南方（广州、香港等地）货品。

南京有好多特点，我地分别从衣食住行各方面介绍：

首先系衣着：

1、南京同胞中意自己嘅品牌，唔会盲目向香港、广州等地学习追风，因而新街口地下店铺并不算旺地，相反，其独特品牌店铺颇受青睐。

2、女性穿着成熟，我地行咗成日都未见到一个女仔似系同我地差唔多年纪，好多高中生都已经着起咗高铮鞋，而且服装方面都较为成熟。

3、南京女生身材标准较高，因而经常穿着较为性感嘅服装，低胸衫衬裙系随处可见嘅标志性服饰。

4、南京女性大多穿着凉鞋需要衬上一对丝袜，我地都感到好疑惑，唔知呢个衣着原因系咩。

食方面：

1、南京消费水平非常高，特别系食物方面花费非常大，平均食品物价要比广州高30％左右。我地最强烈感觉系，南京“超市”果然系“超级市场”，超级贵！而且大型超市唔会存在，南京等地最出名系“苏果超市”，豆润咁大，好少嘢卖，不同分店会埋不同嘅嘢，有D系买蔬菜水果，有D系买日用品。加上我地好少见到有菜市场，所以好疑惑D人究竟去边度买菜，可能呢个都系消费高嘅主要原因。

2、南京人一般中意食面、馒头、包子等粗粮，所以系新街口地下美食街，都係面档、饺子档林立集中嘅地方，好少见到有饭食。

3、南京最出名系有关于鸭嘅食品，例如鸭血粉丝，桂花鸭，盐水鸭等。都好好食。

住方面：

1、夫子庙附近有好多酒店、招待所，状元楼五星，多数係豪华团或者外国团入住，我地就住秦都大酒店，三星，环境同服务都非常好。不过价钱就上200，偏贵。当然，新街口附近都有好多星级酒店，而且7月初淡季都会有折，总体价钱唔会好高。

2、南京其实唔係好多高楼，人口都唔算多，所以并不觉得非常拥挤。

行方面：

1、多数游人都集中係夫子庙附近，所以係我地睇来交通并唔算繁忙。

2、值得一提嘅係，呢度嘅的士司机非常热情，一听到我地口音知道我地係游人，就会好热情咁向我地介绍每一个值得去玩同值得去食嘢嘅地方，当然，每个南京人历史知识都非常丰富，的士司机不停向我地介绍南京文化，数历个南京建都朝代，果然有丰富嘅文化底蕴。

3、南京有地铁，而且就係南京市中轴线上，交通非常便利。