[游记]华东五市行游记——无锡篇

8/16/2006

华东五市行游记——无锡篇

去完南京，7月12日下午我地就到无锡。无锡工业发达，所以有小上海之称，火车站同市中旺地都係步行15分钟，崇安区就係集购物娱乐于一体嘅商业中心啦！我地下榻嘅酒店係区政府嘅招待所。呢度之所以係商业中心，係因为呢度係大型购物商厦、证券公司以及三星级以上酒店嘅集中地，比邻火车站，交通方便。下面介绍下无锡啦：

衣：

1、无锡人基本少咗D南京嘅文化底蕴，充满商业气息，因为商厦集中，所以你基本可以见到间间商场卖嘅嘢基本一样，而且可能并唔係好似上海咁靠海，所以无咩世界名牌，衣着方面同广州都无乜分别，普普通通。

2、不过值得一提，一方水养一方人，无锡嘅女仔感觉上靓过南京，而且时常面带笑容，服务亲切，少咗上海人嘅傲慢，而多咗一分热情。

3、可能係秦淮地区女仔嘅特点，皮肤好，而且偏高，所以女仔好中意着裙，而且身材非常标准，中意低胸装束，从头到脚都散发住淑女气息。当然，係咪本地无锡人就不得而知。

食方面：

1、同南京好相似，食店好早就打烊，当我地8点去到餐馆，已经空晒无嘢卖，生平第一次8点就食“宵夜”。

2、係无锡，我地最中意就係食“小笼包”同“细龙虾”。“小笼包”味甜而肉嫩，而且食落唔滞唔漏，的确几好食。

住：

1、无锡崇安区係酒店最为集中嘅区域，因为係闹市区，所以大型酒店林立，而且价钱相对贵。例如华美达等，都係外国团落脚嘅地方。

2、无锡嘅普通宾馆住宿其实都已经好舒服，呢点好过杭州好多，同上海都无乜分别，原因可能係因为酒店宾馆普遍，价格战自然激烈。

行：

1、无锡其实交通都算方便，不过去太湖游我地都係选择“一日游”，我地选择嘅线路係：灵山大佛——鼋头渚一线。灵山大佛係天下第一高嘅佛，而且每日都有多次“九泉灌浴”表演，虽然我信仰基督，不过对灵山大佛都非常尊重。

2、无锡城际列车非常方便，我地提早一日买票，7月14号就坐火车去苏州，车票都好便，时间都係半个钟！