[游记]三亚游记之唔知乜洲岛

三亚游记之唔知乜洲岛

5月24日，晨七甘早（07：20）搭上飞去三亚的飞机，一个钟多一个字，去到南大门三亚，开始了为期三天的海南岛三亚三日游。

08：25一到机场就俾个司机昆左，两旧几水入左去唔知乜洲岛。以为果度椰林树影，水清沙幼，风景怡人，人靓声甜（前三项都系O既）；由于费用预算有限，无玩到皇牌项目-- 潜水，成个行程唯一有价值的地方，就系影相。（影左唔少有马尔代夫Feel的相，嘻嘻）

15：30为O左就人O地一家三口，终于从蜈支洲岛出番O黎，叫个司机顺道送O左我O地去市区解放路。响果度稳O左间西餐厅，至有得吃中午果餐。20-30蚊左右的套装，有扒、沙律、开胃酒、餐包同汤，但块扒真系认真唔掂当。算啦，老公话好一餐，唔好一餐喔。

16：30吃完O野，去O左就近的百货商场Shopping。响超市度买O左O的特产（椰子制品居多），仲有杯面、罐头、花生……响广州行超市都唔会买O甘多O野。事关呢附近都唔知有乜好吃，买定O的做宵夜都好O既。

17：30购物完毕，打部的番酒店。在之前个司机的指导同自己的探路下，同个司机讲价35蚊从市区番去亚龙湾天域。由于部车唔似广州果O的O甘有个网隔住，虽不是大车，坐落都算阔落；司机开晒所有窗，唔开空调，车速颇快之下新鲜空气扑面而来（三亚的空气质量指数系世界第二喔），有坐摩托的感觉。

番到酒店先18：15左右，趁天未黑，拿拿林换上泳装落沙滩试下水先。个海初睇好靓，但因为天黑了，最后都系无落水，响酒店的温水泳池游O左两转，都算几舒服。

三亚游第一日就以唔知乜洲岛打发了，买手信的任务也完成了，之后两日可以谂下响房度滩抖下喇。仲有电脑可以上下网O甘，度假O黎讲真系唔错。